انٹر ٹینمنٹ

محسن عباس کا نئے گانے ’روح‘ کی لانچنگ کا اعلان

لاہور: گلوکار و اداکار محسن عباس حیدر نے اپنے نئے گانے ‘ روح ‘ کی لانچنگ کا اعلان کردیا۔

محسن عباس نے نئے گانے کا آفیشل پرومو سماجی رابطے کی ویب سائٹ انسٹا گرام پر جاری کیا ہے جس کا عنوان ’روح‘ ہے۔ اس گانے کے میوزک ڈائریکٹر فراز کھوسہ ہیں تاہم پرومو کے بعد گانے کی لانچنگ کا حتمی فیصلہ کر لیا گیا ہے۔ گانے’روح‘ کی لانچنگ 6 دسمبر کو لاہور میں ہوگی جس میں مختلف شعبوں سے تعلق رکھنے والے افراد کو مدعو کیا گیا ہے۔

پرومو جاری ہونے پر نہ صرف بہت سے لوگوں نے نیک خواہشات کا اظہار کیا ہے بلکہ فلم، ٹیلی ویژن اور فیشن انڈسڑی کی نمایاں شخصیات نے وڈیو پیغامات کے ذریعے محسن عباس سے نیک تمناؤں کا اظہار کیا ہے۔

بھارتی گلوکارشان کا فرحان سعید کیلئے محبت بھرا پیغام

نیویارک: ناموربھارتی گلوکار شان نے پاکستانی گلوکار و اداکار فرحان سعید کے لیے محبت بھرا پیغام اور نیک تمنائیں بھیجی ہیں۔

گلوکار فرحان سعید نے گزشتہ کئی برسوں سے اپنی خوبصورت آواز سے لوگوں کو دیوانہ بنایا ہوا ہے ان کی آواز میں گائے ہوئے گیت لوگوں کے ذہنوں پر نقش ہوجاتے ہیں۔ صرف گلوکاری ہی نہیں بلکہ اداکاری میں بھی فرحان سعید نے اپنا سکہ جمایا ہواہے۔ حال ہی میں ان کے ڈرامے ’’سنو چندا‘‘ نے کامیابی کے جھنڈے گاڑے ہیں۔

فرحان سعید کی آوازکے دیوانے صرف پاکستان میں ہی نہیں بلکہ بھارت میں بھی ہیں، بالی ووڈ کے کئی نامور گلوکار ان کی آواز کے مداح ہیں۔ حال ہی میں سوشل میڈیا پربھارتی گلوکارشان کی ایک ویڈیو وائرل ہورہی ہے جس میں وہ گلوکار فرحان سعید کے لیے نیک تمناؤں کا اظہارکرتے نظرآرہے ہیں۔

ویڈیومیں شان نے فرحان سعید کے مقبول گانے ’’تو تھوڑی دیر اور ٹھہر جا‘‘ کو گنگنا کر انہیں خراج تحسین بھی پیش کیا اور ان کی کامیابی کے لیے دعا کرتے ہوئے کہا کہ یونہی آپ گاتے رہیں اور لوگوں کو تفریح فراہم کرتے رہیں۔

واضح رہے کہ ’’تو تھوڑی دیر اور ٹھہر جا‘‘ کا شمار فرحان سعید کے مقبول ترین گانوں میں ہوتا ہے تاہم اسے 2017 میں ریلیز ہوئی بالی ووڈ فلم ’’ہاف گرل فرینڈ‘‘ میں گلوکارہ شیریا گھوشال کی آواز میں دوبارہ ریکارڈ کرکے شامل کیا گیا تھا۔ فلم میں اس گانے کو اداکارہ شردھا کپور اور ارجن کپور پر فلمایا گیا تھا۔

پہلے پاکستان انٹرنیشنل اسکرین ایوارڈز کی تقریب کہاں منعقد ہوگی؟

ویسے تو پاکستان میں ہم ایوارڈز اور لکس ایوارڈز کے سب سے زیادہ چرچے رہتے ہیں لیکن اب ایک اور ایوارڈ شو جلد منعقد کرنے کی تیاریاں بھی کی جارہی ہیں۔

پہلے پاکستان انٹرنیشنل اسکرین ایوارڈز (پی آئی ایس اے) اگلے سال فروری میں دبئی میں منعقد ہونے جارہے ہیں، جہاں پاکستانی ستاروں کو ان کی کارکرگی پر سراہا جائے گا۔

ایونٹ کے پروڈیوسر فیصل خان نے انکشاف کیا کہ پی آئی ایس اے اب تک کی ہر ایوارڈ تقریب سے مختلف ہوں گے، جہاں پاکستانی شوبز انڈسٹری کے ٹیلنٹ کو سب سے آگے رکھا جائے گا۔

ان کے مطابق عائشہ عمر، حریم فاروق، ثروت گیلانی، عمران عباس، شہریار منور، جاوید شیخ، عمیر جسوال، جنید خان، اسٹرنگز بینڈ، فرحان سیعد، عروہ اور ماروا حسین جیسے ستاروں نے اب تک اس ایوارڈ شو کا حصہ بننے کا اعلان کیا ہے۔

پاکستان انٹرنیشنل اسکرین ایوارڈ اگلے سال 7 فروری کو دبئی کے کوکا کولا ارینا میں منعقد ہوں گے۔

گلوکارہ عینی خالد نواز شریف سے متعلق ٹوئٹ کے باعث شدید تنقید زد میں

کراچی: ’’ماہیا‘‘ گانے سے شہرت حاصل کرنے والی گلوکارہ عینی خالد کو نواز شریف کے حوالے سے کی گئی ایک ٹوئٹ کے باعث سوشل میڈیا پر شدید تنقید کا نشانہ بنایا جارہا ہے۔

لاہور ہائی کورٹ نے رواں ماہ کے وسط میں سابق وزیراعظم نواز شریف کو علاج کے لیے لندن جانے کی اجازت دی تھی۔ جس کے باعث کرکٹرمحمد حفیظ اور اورشیف گلزار سمیت متعدد پاکستانیوں نے ملک میں علاج کی ناکافی سہولیات اور جیل میں قید دیگر بیمار قیدیوں کے علاج کے حوالے سے تشویش کا اظہار کرتے ہوئے سوالات اٹھائے تھے۔

بعد ازاں نواز شریف کی لندن جاتے ہوئے ایئرایمبولینس اوربغیر وہیل چیئر کے سیڑھیاں چڑھنے کی تصاویر بھی سوشل میڈیا پر موضوع بحث رہیں۔ اس کے علاوہ سابق وزیراعظم کی ایک اور تصویر سوشل میڈیا پر گردش کررہی ہے جس میں نواز شریف لندن کے ایک شاپنگ مال میں شاپنگ کرتے نظر آرہے ہیں۔

گلوکارہ عینی خالد نے ٹوئٹر پر نواز شریف کی لندن شاپنگ مال کی تصویرشیئر کرکے ان پر طنز کرتے ہوئے کہا ہے کہ ’’جب آپ بیماری کی غرض سے بیرون ملک چلے جائیں لیکن شاپنگ کرنا آپ کی زندگی ہو۔‘‘

تاہم عینی خالد کو نواز شریف کی تصویر شیئر کرنا اوران پر تنقید کرنا مہنگا پڑگیا۔ سوشل میڈیا صارفین نے انہیں تنقید کا نشانہ بناتے ہوئے کہا کہ یہ تصویر تین سال پرانی ہے۔

بہت سارے صارفین نے عینی خالد کوان کی ناقص معلومات کے حوالے سے بھی تنقید کا نشانہ بنایا اور کہا کہ انہوں نے سابق وزیراعظم کی تصویر  پبلسٹی حاصل کرنے کے لیے شیئر کی ہے۔

واضح رہے کہ نوازشریف کی سوشل میڈیا پرگردش کرنے والی یہ تصویر 2016 کی لندن کے لگژری اسٹور ہیروڈز کی ہے۔ نواز شریف تین سال قبل اوپن ہارٹ سرجری کے لیے لندن گئے تھے اور صحت یاب ہونے کے بعد عیدالفطر قریب آنے کے باعث وہ اس اسٹور میں شاپنگ کرتے دیکھے گئے تھے۔

اقوام متحدہ ہیڈکوارٹرز میں پہلی بار پاکستانی فلم کی اسکریننگ

بچوں میں غذائی قلت سے جسمانی نشوونما پر مرتب ہونے والے اثرات کے موضوع پر بننے والی پاکستانی فلم تلاش کی نیویارک میں اقوام متحدہ کے ہیڈکوارٹرز میں خصوصی اسکریننگ ہوئی ہے۔

اس طرح یہ پہلی پاکستانی فلم بن گئی ہے جس کی اسکریننگ اقوام متحدہ کے ہیڈکوارٹرز میں منگل کی شام کو ہوئی۔

اس اسکریننگ کا انعقاد بچوں کے حقوق پر اقوام متحدہ کے معاہدے کو 30 سال مکمل ہونے کے موقع پر کیا گیا۔

اس فلم کی ہدایات ذیشان خان نے دیں جو اقوام متحدہ میں اسکریننگ کے موقع پر موجود تھے جبکہ اس کی کہانی 3 ایسے میڈیکل طالبعلموں کے گرد گھومتی ہے جن کو صوبہ سندھ کے ضلع تھرپارکر کے ایک گاﺅں میں طبی کیمپ لگانے کے لیے بھیجا جاتا ہے، جہاں انہیں مقامی وڈیروں کی جانب سے متعدد چیلنجز کا سامنا ہوتا ہے مگر وہ اپنے پیشہ وارانہ فرائض سرانجام دینے میں کامیاب ہوتے ہیں۔

اس فلم میں مرکزی کردار احمد زیب، فاریہ حسن اور نعمان سمیع نے ادا کیے جبکہ مصطفیٰ قریشی، سلیم معراج، ممتاز کنول اور دیگر نے بھی کام کیا۔

اسکریننگ کے موقع پر ہدایتکار ذیشان خان نے اقوام متحدہ میں پیش کرنے کا موقع فراہم کرنے پر یو این پاکستان کلب کا شکریہ ادا کیا۔

اس موقع پر اقوام متحدہ کے لیے پاکستان کے مستقل مندوب منیر اکرم، اقوام متحدہ، عالمی ادارہ صحت، یو این ڈی پی کے اعلیٰ عہدیداران موجود تھے جنہوں نے پاکستانی فلم میں بچوں میں غذائی قلت کے اہم موضوع کو پیش کرنے کو سراہا۔

پاکستان میں اس فلم کو 15 نومبر کو ریلیز کیا گیا تھا جبکہ بین الاقوامی ریلیز بھی جلد کی جائے گی۔

اداکارہ صنم چوہدری نے بھی خاموشی سے شادی کرلی

پاکستان کی ایک اور نامور اداکارہ صنم چوہدری نے بھی اپنے دوست کے ساتھ خاموشی سے شادی کرلی۔

اداکارہ نے اپنی شادی کا اعلان انسٹاگرام پر نکاح کی ایک تصویر شیئر کرنے کے ساتھ کیا جس میں وہ اپنے شوہر کے ہمراہ موجود ہیں۔

صنم چوہدری نے پنجابی گلوکار اور میوزک کمپوزر سومی چوہان کے ساتھ شادی کی جن کا تعلق نیویارک سے ہے۔

فوٹو/ انسٹاگرام
فوٹو/ انسٹاگرام

اداکارہ اپنے نکاح میں نہایت خوبصورت نظر آئیں، انہوں نے سرخ رنگ کا نہایت سادہ عروسی جوڑا زیب تن کیا تھا۔

فوٹو/ انسٹاگرام
فوٹو/ انسٹاگرام

انہوں نے نکاح کی تقریب کی کئی تصاویر اپنے سوشل میڈیا اکاؤنٹ پر شیئر کیں۔

فوٹو/ انسٹاگرام
فوٹو/ انسٹاگرام

صنم چوہدری نے 2013 کے ڈرامے ‘عشق ہماری گلیوں میں’ کے ساتھ ٹیلی ویژن پر ڈیبیو کیا۔

فوٹو/ انسٹاگرام
فوٹو/ انسٹاگرام

وہ ‘آسمانوں پہ لکھا’، ‘بھول’، ‘گھر تتلی کا پر’ اور ‘میر آبرو’ جیسے کامیاب ڈراموں میں کام کرچکی ہیں۔

فوٹو/ انسٹاگرام
فوٹو/ انسٹاگرام

دبئی پہلے پاکستان انٹرنیشنل اسکرین ایوارڈز کی میزبانی کرے گا

دبئی: پاکستان کے پہلے انٹرنیشنل اسکرین ایوارڈز دبئی میں منعقد ہوں گے جن میں ماہرہ خان، صباقمر اور فواد خان سمیت متعدد ستارے شرکت کریں گے۔

دبئی پاکستان کے پہلے انٹرنیشنل اسکرین ایوارڈز کی میزبانی کے لیے تیار ہے۔ ایوارڈز کا اعلان حال ہی میں دبئی سے تعلق رکھنے والے ایوارڈز تقریب کے ایگریکٹیو پروڈیوسر فیصل خان نے کیا۔ انہوں نے کہا کہ پاکستان میں ٹیلنٹ کی کمی نہیں جسے عالمی پلیٹ فارم پر دکھایا جانا چاہیئے۔

فیصل خان نے مزید کہا کہ تقریب کے دوران الیکٹرانک اور سوشل میڈیا میں نمایاں کارکردگی دکھانے والی شخصیات کو ایوارڈ سے نوازا جائے گا۔

ایوارڈ کی تقریب میں ماہرہ خان، فواد خان، صباقمر، عائشہ عمر، اشنا شاہ، حریم فاروق، ثروت گیلانی، عمران عباس، شہریار منور، جاوید شیخ، عمیر جیسوال، جنید خان، سارہ لورین،ولاگر مورو، اسٹرینگز، فرحان سعید ، عروہ اور ماورہ حسین سمیت متعدد ستاروں کی شرکت متوقع ہے۔ رپورٹ کے مطابق اداکارہ مہوش حیات شوٹنگ کے باعث ایوارڈ کی تقریب میں شرکت نہیں کریں گی۔ ایوارڈ اگلے سال 7 فروری کو منعقد کیے جائیں گے۔

کباڑ خانے میں پڑی گاڑی نے شہری کی قسمت بدل دی

ریاض: حادثے میں جل جانے والی پرانے ماڈل کی کار نے سعودی شہری کی قسمت ہی بدل دی، ناکارہ گاڑی 30 لاکھ ریال میں فروخت ہوگئی

 

تفصیلات کے مطابق کہتے ہیں کہ قسمت کی دیوی کبھی بھی اور کہیں بھی کسی پر بھی مہربان ہو سکتی ہے اور ایسا ہی کچھ سعودی باشندے کے ساتھ بھی ہوا، جب ایک تباہ شدہ کار نے اس کی زندگی ہی بدل ڈالی۔

سعودی شہری نے حادثے میں تباہ ہونے والی گاڑی کو امریکا کے عالمی نیلام گھر میں نیلامی کے لیے پیش کیا تو اسے بھی نہیں معلوم تھا کہ یہ کار 30 لاکھ ریال میں نیلام ہوگی۔

حادثے میں تباہ ہونے والی یہ گاڑی اب دوسرے سعودی شہری کی ملکیت ہے اور اسے ریاض سیزن کے موٹر شو میں رکھا گیا ہے۔ نایاب گاڑیوں کے شوقین افراد اس میں دلچسپی لے رہے ہیں۔ تباہ شدہ کار کو کمپنی کی فیکٹری میں لے جا کر دوبارہ اسے اصل حالت میں بحال کیا جائے گا۔

Google Analytics Alternative