انٹر ٹینمنٹ

موسیقار ایڈریئن سینا کی میجر جنرل آصف غفور ساتھ چائے پینے کی خواہش پھر سے پوری ہوگئی

راولپنڈی: رومانیہ سے تعلق رکھنے والے میوزک آرٹسٹ ایڈریئن سینا نے اپنے سوشل میڈیا اکاؤنٹ پرایک مختصر ویڈیو شیئر کی ہے جس میں وہ پاک فوج کے شعبہ تعلقات عامہ کے ڈی جی میجر جنرل آصف غفور کے ساتھ نہایت خوشگوار موڈ میں ملاقات کرتے اور پاکستانی چائے کا لطف لیتے ہوئے نظر آرہے ہیں

 

دلچسپ بات تو یہ ہے کہ انہوں نے ویڈیو کے کیپشن میں ابھی نندن کا مشہور جملہ ’’پاکستانی ٹی از فنٹاسٹک‘‘ بھی لکھا۔ واضح رہے کہ رومانیہ کے میوزک بینڈ ایکسنٹ سے تعلق رکھنے والے موسیقار ایڈریئن سینا نے اعلان کیا تھا کہ وہ 24 نومبر کو پنجاب گورنرہاؤس میں اپنے فن کا مظاہرہ کریں گے۔ بعد ازاں انہوں نے میجر جنرل آصف غفور کے ساتھ چائے پینے کی خواہش کا اظہار کیا جس کے جواب میں ڈی جی آئی ایس پی آر نے انہیں چائے کے لیے مدعو کیا۔ ویڈیو میں ایڈریئن سینا نے خوشی کا اظہار کرتے ہوئے کہا  کہ انہیں رومیانیہ سے پاکستان آنے اور میجر جنرل آصف غفور کے ساتھ ملاقات کرنے کا موقع ملا۔

یاد رہے کہ روما نیہ کے مشہور بینڈ اکسینٹ کو 24 نومبر کو لاہور میں پرفارم کرنا تھا اور ان کی پرفارمنس کا انعقاد کشمیر سے اظہار یکجہتی کے لیے کیا گیاتھا تاہم سوشل میڈیا پر ان کے کنسرٹ پر شدید تنازع کھڑا ہوگیا تھا جس کے باعث کنسرٹ منسوخ کردیا گیاتھا۔

کنگ آف پاپ مائیکل جیکسن کی زندگی پر بھی فلم بنائی جائے گی

واشنگٹن: گزشتہ برس ریلیز ہونے والی میوزیکل ڈرامہ فلم ’بوہمین ریسپوڈی‘ کے پروڈیوسر گراہم آنجھانی کنگ آف پوپ مائیکل جیکسن کی زندگی پر بھی فلم بنائیں گے

 

امکان ہے کہ فلم کی شوٹنگ آئندہ برس شروع کی جائے گی اور فلم کو 2021 میں ریلیز کی جائے گی۔ خبر رساں ادارے ’رائٹرز‘ نے اپنی رپورٹ میں متعدد امریکی شوبز ویب سائٹس کی خبروں کا حوالہ دیتے ہوئے بتایا کہ گراہم کنگ اور مائیکل جیکسن کا کاروبار سنبھالنے والی کمپنی کے درمیان فلم بنانے سے متعلق ابتدائی معاہدہ طے پاگیا۔

رپورٹ میں بتایا گیا کہ اگرچہ مائیکل جیکسن اسٹیٹ کی جانب سے فلم بنائے جانے کے حوالے سے کوئی بیان جاری نہیں کیا، تاہم قریبی ذرائع کا کہنا ہے کہ فلم پروڈیوسر اور گلوکار کے اہل خانہ اور کمپنی کے درمیان معاہدہ طے پاگیا، رپورٹ کے مطابق فلم پروڈیوسر گراہم کنگ نے مائیکل جیکسن کے میوزک سمیت دیگر چیزوں کے کاپی رائٹس رکھنے والے ان کے خاندان کے افراد اور جیکسن اسٹیٹ نامی کمپنی سے معاہدہ طے کرلیا۔

معاہدے کے مطابق فلم پروڈیوسر آنجھانی مائیکل جیکسن کی زندگی کو فلمی صورت میں پیش کرے گا اور ممکنہ طور پر فلم ان کی پیدائش سے لے کر موت تک بنائی جائے گی۔ اگرچہ تاحال فلم کے حوالے سے اور کوئی پیش رفت نہیں ہوئی تاہم کہا جا رہا ہے کہ فلم میں مائیکل جیکسن کی پیدائش سے لے کر میوزک کی دنیا میں ان کی آمد، میوزک کی دنیا میں بادشاہی کرنے اور پھر ان کے زوال سمیت ان کی موت تک کی کہانی کو پیش کیا جائے گا۔

کنگ آف پاپ مائیکل جیکسن کی زندگی پر بھی فلم بنائی جائے گی

واشنگٹن: گزشتہ برس ریلیز ہونے والی میوزیکل ڈرامہ فلم ’بوہمین ریسپوڈی‘ کے پروڈیوسر گراہم آنجھانی کنگ آف پوپ مائیکل جیکسن کی زندگی پر بھی فلم بنائیں گے

 

امکان ہے کہ فلم کی شوٹنگ آئندہ برس شروع کی جائے گی اور فلم کو 2021 میں ریلیز کی جائے گی۔ خبر رساں ادارے ’رائٹرز‘ نے اپنی رپورٹ میں متعدد امریکی شوبز ویب سائٹس کی خبروں کا حوالہ دیتے ہوئے بتایا کہ گراہم کنگ اور مائیکل جیکسن کا کاروبار سنبھالنے والی کمپنی کے درمیان فلم بنانے سے متعلق ابتدائی معاہدہ طے پاگیا۔

رپورٹ میں بتایا گیا کہ اگرچہ مائیکل جیکسن اسٹیٹ کی جانب سے فلم بنائے جانے کے حوالے سے کوئی بیان جاری نہیں کیا، تاہم قریبی ذرائع کا کہنا ہے کہ فلم پروڈیوسر اور گلوکار کے اہل خانہ اور کمپنی کے درمیان معاہدہ طے پاگیا، رپورٹ کے مطابق فلم پروڈیوسر گراہم کنگ نے مائیکل جیکسن کے میوزک سمیت دیگر چیزوں کے کاپی رائٹس رکھنے والے ان کے خاندان کے افراد اور جیکسن اسٹیٹ نامی کمپنی سے معاہدہ طے کرلیا۔

معاہدے کے مطابق فلم پروڈیوسر آنجھانی مائیکل جیکسن کی زندگی کو فلمی صورت میں پیش کرے گا اور ممکنہ طور پر فلم ان کی پیدائش سے لے کر موت تک بنائی جائے گی۔ اگرچہ تاحال فلم کے حوالے سے اور کوئی پیش رفت نہیں ہوئی تاہم کہا جا رہا ہے کہ فلم میں مائیکل جیکسن کی پیدائش سے لے کر میوزک کی دنیا میں ان کی آمد، میوزک کی دنیا میں بادشاہی کرنے اور پھر ان کے زوال سمیت ان کی موت تک کی کہانی کو پیش کیا جائے گا۔

وحید مراد کو اپنے مداحوں سے بچھڑے 36 برس بیت گئے

کراچی:  پاکستانی فلم انڈسٹری کے چاکلیٹی ہیرو کہلانے والے وحید مراد کی 36 ویں برسی آج منائی جارہی ہے

اپنی لازوال اداکاری سے شہرت کی بلندیوں پر پہنچنے والے وحید مراد نے 2 اکتوبر 1938ء کو فلم ساز نثار مراد کے گھر آنکھ کھولی,  کراچی یونیورسٹی سے انگریزی ادب میں ایم اے کیا بعد ازاں فلمی کیرئیر کی شروعات 1962ء میں بننے والی فلم ’اولاد‘ سے کی۔ برصغیر میں دلیپ کمار کے بعد وحید مراد وہ واحد ہیرو تھے جن کے ہیراسٹائل اور ملبوسات کی نقل کی گئی, وحید مراد کی ایک خاص بات جو انھیں دیگر اداکاروں سے ممتاز کرتی ہے وہ یہ کہ ان کے انتقال کو تین دہائیاں گزر جانے کے بعد بھی وہ اپنے مداحوں کے دل و دماغ میں بسے ہوئے ہیں۔

پچیس سالہ فلمی کیریئر کے دوران وحید مراد نے شہرت کی وہ بلندی دیکھی جس کی مثال بہت کم ملتی ہے، یوں تو بطور ہیرو وحید مراد کی پہلی فلم ’ہیرا اور پتھر‘ تھی مگر سلور اسکرین پر پچھتر ہفتے مسلسل چلنے والی فلم ’ارمان‘ نے وحید مراد کو بام عروج پر پہنچایا اور وہ پاکستانی فلم انڈسٹری کے پہلے باقاعدہ سپر اسٹار کہلائے, وہ ایک دور میں ہدایت کار پرویز ملک کی ٹیم میں رہے جس میں گیت نگار مسرور انور، موسیقار سہیل رعنا اور گلوکار احمد رشدی بھی شامل تھے اس ٹیم نے کامیاب فلموں کے ریکارڈ قائم کیے, فلمی ناقدین کہتے ہیں کہ وحید مراد ایک فرد نہیں بلکہ ایک دور تھے۔

چاکلیٹی ہیرو وحید مراد نے فلم ’دوراہا، عندلیب، جب جب پھول کھلے، سالگرہ، انجمن، جہاں تم وہاں ہم، پھول میرے گلشن کا، دیور بھابھی سمیت‘ 124  فلموں میں کردار نگاری کی۔ وحید مراد کے فلمی عروج و زوال کو ہالی ووڈ ایکٹر ایلوس پریسلے سے تشبیہ دی جاتی ہے جنھوں نے طویل شہرت کے بعد ایک دم زوال کا منہ دیکھا، 23 نومبر 1983ء کو پاکستانی فلم انڈسٹری کو نئی جدتیں دینے والے وحید مراد دار فانی سے کوچ کرگئے، فنی خدمات کے صلے میں و حید مراد کو ستارہ امتیاز، نگار، گریجویٹ، نیشنل، مصور سمیت دیگر اعزازات سے نوازا گیا۔

عمرشریف کی لالی ووڈ میں واپسی، فلم بنانے کا اعلان

کراچی: کامیڈی کے شہنشاہ اور عالمی شہرت یافتہ فنکار عمر شریف نے فلم بنانے کا اعلان کیا ہے۔

عمر شریف نے اداکار فیصل قریشی کے مارننگ شو میں شرکت کی اور جہاں انہوں نے گفتگو کے دوران فلم بنانے کا اعلان کرتے ہوئے کہا کہ آج کل بہت اچھی فلمیں بن رہی ہیں اور اسی وجہ سے میں بھی بہت جلد فلم بنا رہا ہوں، اس حوالے سے میں نے ایک  فنکار کو کئی بارمرکزی کردار ادا  کرنے کی آفر کی حتیٰ کہ ان سے تمام معاملات بھی طے پاگئے لیکن وہ حتمی تاریخ نہیں دے  پا رہے تھے اس لئے میں نے انہیں انکار کردیا۔

عمر شریف نے کہا کہ اب اس فلم کے مرکزی کرداروں کے لئے میرے پاس دو نام ہیں جنہیں میں اپنی فلم کے کرداروں میں دیکھنا چاہتا ہوں۔اداکاروں میں ایک شان شاہد ہیں اور ایک آپ خود یعنی فیصل قریشی ہوں گے۔

کامیڈی کے شہنشاہ  نے  کہا کہ اس وقت فلم کا اسکرپٹ اور میوزک بھی تیار ہے یہاں تک کہ جگہوں کا بھی انتخاب کر لیا گیا ہے۔ فلم کی شوٹنگ دبئی ، ابو ظہبی، کویت اور پاکستان میں کی جائے گی۔

واضح رہے کہ عمر شریف اب تک چھ فلمیں بنا چکے ہیں جس میں مشہور زمانہ فلم ’ مسٹر 420 ، مسٹر چارلی ، مس فتنہ آج بھی لوگوں کو یاد ہیں جب کہ  ان فلموں کی خاص بات یہ ہے کہ ان میں عمر شریف نے خود مرکزی کردار ادا کیا تھا۔

عابدہ پروین کا کوک اسٹوڈیو پر کاپی رائٹ کا دعویٰ ویڈیو ہٹوادی

کراچی: کوک اسٹوڈیو سیزن 12 کا آغاز جہاں کافی زوروشور سے ہوا وہیں اب یہ سیزن کاپی رائٹ کے دعووں کے باعث مشکل میں ہے۔

کوک اسٹوڈیو پچھلے کچھ سیزن سےشائقین کو متاثر کرنے میں ناکام رہا ہے لہذٰا ایک بار پھر  روحیل حیات کی سیزن 12 میں واپسی ہوئی ہے۔ اس کے علاوہ عاطف اسلم کی حمد ’’وہی خدا ہے‘‘ اور ابرارالحق کے مشہور گانے’’بلو‘‘ نے کوک اسٹوڈیو میں ایک نئی روح پھونک دی اورشائقین کی جانب سے نئے سیزن کو بے حد سراہا جارہا ہے۔

تاہم جہاں کوک اسٹوڈیو شائقین کو دوبارہ متاثر کرنے میں کامیاب ہورہا ہے وہیں مسلسل کاپی رائٹ کے دعووں کے باعث مشکل میں ہے۔ ایکسپریس ٹریبیون کے مطابق کوک اسٹوڈیو سیزن 12 کی نئی قسط میں گلوکارہ صنم ماروی کی آواز میں صوفی کلام ’’حیران ہوا‘‘ریلیز ہوا،  تاہم اس گانے کے ریلیز کے اگلے ہی دن کاپی رائٹ ایکٹ کی خلاف ورزی  کے باعث اسے یوٹیوب سے ہٹادیا گیا۔

اگر آپ یوٹیوب پر ’’حیران ہوا‘‘ گانے پر کلک کریں گے تو یوٹیوب کی جانب سے ایک میسیج اسکرین پر نمودار ہوگا جس پر لکھا ہے کہ یہ ویڈیو عابدہ پروین کے کاپی رائٹ ایکٹ کے دعوے کی وجہ سے دستیاب نہیں ہے۔ اس گانے پر پاکستان کی نامور صوفی گلوکارہ عابدہ پروین نے کاپی رائٹ ایکٹ کا دعویٰ دائر کیا ہے۔

عابدہ پروین ان دنوں ملک سے باہر ہیں تاہم ان کے نمائندگان نے اس بات کی تصدیق کی ہے کہ عابدہ پروین کی جانب سے اس گانے پرکاپی رائٹ ایکٹ کا دعویٰ دائر کیا گیا ہے۔

واضح رہے کہ کوک اسٹوڈیو سیزن12 میں ابرارالحق کے مشہور گانے ’’بلو‘‘کو نئے انداز میں پیش کیا گیا تھا جسے ابرارالحق نے ہی گایا تھا اور یہ گانا شائقین کو بے حد پسند بھی آیا تھا تاہم رواں ہفتے کی ابتدا میں یوٹیوب سے اس گانے کو بھی ہٹادیا گیا۔

صرف ’’بلو‘‘ ہی نہیں بلکہ گلوکار شجاع حیدر اور ریچل ویکاجی کی آواز میں ریکارڈ کیے گئے گانے ’’سائیاں‘‘پر بھی پاکستان کی مشہور گراموفون کمپنی ای ایم آئی پاکستان نے کاپی رائٹ  رائٹ ایکٹ کا دعویٰ کیا تھا جس کے بعد یہ گانا یوٹیوب سے ہٹادیا گیاتھا تاہم کوک اسٹوڈیو انتظامیہ اور روحیل حیات نے ای ایم آئی پاکستان سے اس گانے کا باقاعدہ لائسنس حاصل کیا جس کے بعد اسے دوبارہ یوٹیوب پر اپ لوڈ کیا گیا۔

میگھن مارکل 2019 کی سب سے زیادہ متاثر کن اسٹائل آئیکون قرار

گزشتہ برس مئی میں برطانوی شہزادے ہیری سے شادی کرنے والی سابق اداکارہ 37 سالہ میگھن مارکل اگرچہ برطانوی شاہی خاندان کی بہو بنتے ہی دنیا بھر میں لوگوں کی توجہ کا مرکز بن گئی تھیں۔

اور اب انہوں نے دنیا کی سب سے زیادہ متاثر کن اسٹائل آئیکون 2019 کا اعزاز بھی اپنے نام کرلیا۔

میگھن مارکل سے قبل برطانوی شاہی خاندان کی بڑی بہو کیتھرائن کیٹ مڈلٹن کو بھی فیشن آئیکون قرار دیا جاتا رہا ہے، تاہم گزشتہ ایک سال میں عالمی میڈیا میں میگھن مارکل کے فیشن اور ناز و انداز کے چرچے رہے۔

میگھن مارکل کے نت نئے فیشن ناز و انداز کو نہ صرف میڈیا نے سراہا بلکہ دنیا بھرکے افراد نے بھی ان کے اسٹائل کو متاثر کن قرار دیا۔

شہزادہ ہیری سے شادی سے قبل میگھن اداکاری کرتی تھیں—فوٹو: اے ایف پی
شہزادہ ہیری سے شادی سے قبل میگھن اداکاری کرتی تھیں—فوٹو: اے ایف پی

ہر سال فیشن اور اسٹائل سے متعلق فہرست اور رپورٹس جاری کرنے والے ادارے ’لائسٹ‘ کے مطابق آن لائن سروے میں دنیا بھر کے افراد نے میگھن مارکل کو سب سے زیادہ متاثر کن قرار دیا۔

لائسٹ نے سال 2019 کے 10 متاثر کن اسٹائل آئیکون کی فہرست جاری کرنے سمیت سب سے زیادہ متاثر کن فیشن برانڈز کی فہرست بھی جاری کی اور ساتھ ہی یہ رپورٹ بھی جاری کی کہ دنیا بھر میں کس طرح کا فیشن اور اسٹائل جاری رہا۔

میگھن مارکل کے اسٹائل کو کاپی کرنے والے افراد کی تعداد میں گزشتہ برس کے مقابلے اس سال 200 فیصد اضافہ ہوا—فوٹو: اے ایف پی
میگھن مارکل کے اسٹائل کو کاپی کرنے والے افراد کی تعداد میں گزشتہ برس کے مقابلے اس سال 200 فیصد اضافہ ہوا—فوٹو: اے ایف پی

ادارے کے مطابق رواں سال ایک کروڑ 40 لاکھ افراد نے ان کی ویب سائٹ پر دنیا بھر میں جاری فیشن اور اسٹائل سے متعلق معلومات سرچ کیں اور ادارے نے معلومات سرچ کرنے والے افراد کے ڈیٹا کو استعمال کرتے ہوئے نئی فہرستیں مرتب کیں۔

ٹموتھی چلامیت سب سے متاثر کن اسٹائل آئیکون مرد قرار پائے—فوٹو: اے ایف پی
ٹموتھی چلامیت سب سے متاثر کن اسٹائل آئیکون مرد قرار پائے—فوٹو: اے ایف پی

ادارے نے 12 ہزار سے زائد افراد سے آن لائن سروے بھی کیا اور ان سے فیشن و آئیکون کی متاثر کن شخصیات سمیت دیگر سوالات کیے جس کے بعد ادارے نے فہرست جاری کی۔

زنڈایا تیسرے نمبر پر رہی—فوٹو: اے ایف پی
زنڈایا تیسرے نمبر پر رہی—فوٹو: اے ایف پی

ادارے کی جانب سے جاری کی گئی 10 متاثر کن اسٹائل آئیکون میں میگھن مارکل نے تمام افراد کو پیچھے چھوڑتے ہوئے پہلا نمبر حاصل کیا جب کہ امریکی اداکار 23 سالہ ٹموتھی چلامیت نے سب سے متاثر کن مرد اسٹائیل آئیکون کا اعزاز حاصل کیا۔

کار ڈی پانچویں نمبر پر رہیں—فوٹو: پیور پیپل
کار ڈی پانچویں نمبر پر رہیں—فوٹو: پیور پیپل

تیسرے نمبر پر 23 سالہ امریکی اداکارہ زنڈیا، چوتھے نمبر پر جواں سالہ امریکی گلوکارہ بلی ایلش، پانچویں نمبر پر گلوکارہ کار ڈی بی اور چھٹے نمبر پر تھائی لینڈ کی گلوکارہ و ریپر لیزا کو رکھا گیا۔

کایلی جینر ساتویں نمبر پر رہیں—فوٹو: انسٹاگرام
کایلی جینر ساتویں نمبر پر رہیں—فوٹو: انسٹاگرام

متاثر کن اسٹائل آئیکون میں ساتویں نمبر پر دنیا کی کم عمر ترین ارب پتی ماڈل 22 سالہ کایلی جینر، آٹھویں نمبر پر امریکی گلوکارہ لیزو، نویں نمبر پر برطانوی گلوکارہ ہیری اسٹائلز اور دسویں نمبر پر امریکی پرفارمر بلی پورٹر رہے۔

ہیری اسٹائلز نویں پر رہے—فوٹو: ووگ آسٹریلیا
ہیری اسٹائلز نویں پر رہے—فوٹو: ووگ آسٹریلیا

مہوش حیات نے اپنی دلکشی کا راز بتا دیا

کراچی: اداکارہ مہوش حیات نے اسکرین پر اپنے دلکش نظر آنے کا راز بتادیا۔

مہوش حیات نے سماجی رابطے کی ویب سائٹ انسٹا گرام پر اپنی اور میک اپ آرٹسٹ وقار حسین کی تصویر شیئر کی جس میں دونوں ایک دوسرے کے ساتھ خوش گوار موڈ میں نظر آرہے ہیں۔

مہوش حیات نے وقار کو سالگرہ کی مبارک باد دی اور ساتھ ہی انہوں نے اپنے حسن کا راز بتاتے ہوئے کہا کہ فلم ایکٹر ان لاء ، لوڈ ویڈنگ اور بے تحاشا ٹی وی کمرشل میں خوبصورت ترین نظر آنے کا راز وقار ہے۔

مہوش حیات نے وقار کی تعریف کرتے ہوئے کہا کہ آپ کی مسکراہٹ اندھیر دن کو روشن کرتی ہے ، آپ انتہائی مثبت سوچ کے مالک ہیں جنہوں نے مجھے بھی نہ صرف مثبت سوچ کی جانب راغب کیا بلکہ خود اعتمادی بھی دلائی۔

اداکارہ نے یہ بھی کہا کہ بہت سے لوگوں کو نہیں معلوم کے دس سال قبل آپ میرے پہلے میک آرٹسٹ تھے۔ ہم نے زندگی کے بہت سے حیرن انگیز لمحات ساتھ گزارے ہیں۔  آج میں جو کچھ بھی ہوں اس کا عروج آپ نے خود دیکھا ہے۔ اور میں آپ کی بہت مشکور  ہوں۔

واضح رہے کہ معروف میک اپ آرٹسٹ وقار حسین مشہور ڈرامہ سیریل ’ قدوسی صاحب کی بیوہ‘ میں بھی اداکاری کے جوہر دکھا چکے ہیں۔ جس میں انہوں نے ودود احمد کا کردار ادا کیا تھا۔

Google Analytics Alternative