انٹر ٹینمنٹ

‘کیا سلمان اور اکشےکی فلمز کو بھی مردوں پر مبنی فلمیں کہا جاتا ہے؟’

بولی وڈ اداکارہ سوناکشی سنہا اپنے 9 سالہ کیریئر میں کبھی بھی کسی کردار کو نبھانے سے خوفزدہ نہیں ہوئی پھر چاہے وہ کتنے ہی مشکل کیوں نہ ہوں۔

انڈین ایکسپریس کی رپورٹ کے مطابق سوناکشی سنہا کا ایک انٹرویو میں کہنا تھا کہ ‘میں ایک ایسی اداکارہ بننا چاہتی ہوں جسے فلم ساز کسی بھی قسم کی فلم میں کاسٹ کرسکیں اور یہی میں کرتی آرہی ہوں، اس ہی لئے مجھے اپنا کام دلچسپ لگتا ہے اور میں اس سے محبت کرتی ہوں’۔

سوناکشی کا یہ بھی کہنا تھا کہ اس وقت بولی وڈ میں ایک اداکارہ ہونا کسی بڑے مواقع سے کم نہیں کیوں کہ اداکاراؤں کے لیے کافی شاندار اسکرپٹ تحریر کیے جارہے ہیں۔

البتہ سوناکشی کا یہ بھی کہنا تھا کہ بولی وڈ میں جو افراد عورتوں سے نفرت کرتے ہیں اب ان کی سوچ تبدیل ہونی چاہیے۔

اداکارہ کا کہنا تھا کہ ‘مجھے سمجھ نہیں آتا کہ اگر کسی فلم میں سب سے اہم کردار ایک عورت کا ہو تو پھر اسے خواتین پر مبنی فلم کیوں قرار دیا جاتا ہے؟ کیا جب اکشے کمار اور سلمان خان کوئی فلم کرتے ہیں تو اسے بھی مردوں پر مبنی فلم قرار دیا جاتا ہے؟ فلم صرف فلم ہوتی ہے، ہمیں ان کو دوسرا نام دینا بند کردینا چاہیے؟ برابری بہت ضروری ہے’۔

انہوں نے مزید کہا کہ ‘مرد اداکاروں کو بھی ایسی فلموں میں معاون کردار نبھانے سے پیچھے نہیں ہٹنا چاہیے جن میں سب سے اہم کردار کسی اداکارہ کا ہو، ہندی سینما میں ایسی مثبت سوچ کی بےحد ضرورت ہے’۔

سوناکشی اس وقت اپنی فلم ‘خاندانی شفاخانے’ کی تشہیر میں مصروف ہیں، فلم 2 اگست کو سینما گھروں میں ریلیز ہورہی ہے۔

گووندہ نے ہالی ووڈ فلم ’اویٹار‘ ٹھکرانے کی وجہ بتا دی

ممبئی: بالی ووڈ کے معروف اداکار گووندہ نے مشہور ہالی ووڈ ایکشن فلم ’ اویٹار‘ کو ٹھکرانے کی وجہ بتا دی۔

بھارتی میڈیا رپورٹس کے مطابق گووندہ نے حال ہی میں ایک ٹی وی چینل کو انٹرویو دیا جس میں انہوں نے ہالی ووڈ کی 2009 میں ریلیز ہونے والی فلم ’اویٹار‘ سے متعلق انکشاف کرتے ہوئے کہا کہ معروف ہدایتکار جیمز کیمرون کی جانب سے مجھے فلم میں کام کرنے کی پیشکش کی گئی یہ وہ فلم تھی جوکہ دنیا بھر میں غیرمعمولی طور پر مقبول ہوئی اور بزنس کے کئی ریکارڈ قائم کئے تھے۔

گووندہ نے یہ بھی انکشاف کیا کہ میں ہی وہ شخص ہوں جس نے اس فلم کا نام ’اویٹار‘ تجویز کیا تھا اور اس دوران میں نے جیمز کیمرون سے کہا تھا کہ آپ کی یہ فلم باکس آفس پر کامیاب ترین فلم رہے گی اور ساتھ ہی میں نے یہ بھی کہا تھا کہ اس فلم کو  مکمل ہونے میں کم از کم سات سے آٹھ سال درکار ہوں گے جس پر کیمرون نے ناراضگی کا اظہار کیا تھا۔

اداکار نے فلم میں کام نہ کرنے کی وجہ بتاتے ہوئے کہا کہ فلم کا اسکرپٹ اچھا تھا لیکن میں نے جیمز کیمرون کو کہا کہ آپ مجھے اس فلم میں معذور اداکار کا مرکزی کردار ادا کرنے کو کہہ رہے ہیں۔ اور آپ چاہتے ہیں کہ میں 410 دن کی شوٹنگ کے دوران میں جسم کو رنگین رکھوں تو میں نے معذرت کرلی اور فلم سے انکار کردیا۔

اداکار نے یہ بھی کہا کہ میرے انکار کے بعد فلم میں دوسرے اداکار کو کاسٹ کیا گیا لیکن فلم کے حوالے سے کی گئی میری پیشگوئی بلکل صحیح ثابت ہوئی۔ فلم آٹھ سے نو سال بعد ریلیز کی گئی جوکہ سپر ہٹ رہی۔

’نفرت بھری دنیا میں محبت کا انتخاب کرو‘، فردوس جمال کی تنقید پر ماہرہ کا جواب

اداکارہ ماہرہ خان نے ٹی وی اداکار فردوس جمال کی تنقید پر خاموشی توڑتے ہوئے مثبت ردعمل کا اظہار کیا ہے۔

گزشتہ ہفتے ایک نجی چینل پر اداکار فردوس جمال نے ماہرہ پر تنقید کرتے ہوئے کہا تھا کہ ‘کسی کو برا لگے یا اچھا، ماہرہ خان ہیروئن اسٹف نہیں ہے، وہ درمیانے درجے کی ماڈل ہے، وہ اچھی ایکٹرس نہیں اور اچھی ہیروئن بھی نہیں، سوری ٹو سے، ایک تو اس کی عمر زیادہ ہے، مطلب اس عمر میں ہیروئنیں نہیں ہوتی بلکہ ماں کے کردار کیے جاتے ہیں‘

ایسے میں متعدد شوبز شخصیات اور مداحوں نے سوشل میڈیا پر ماہرہ کو سپورٹ کیا اور ان کی حوصلہ افزائی کی لیکن اداکارہ نے اس پر خاموشی اختیار کر رکھی تھی۔

تاہم اب ماہرہ خان نے خاموشی توڑتے ہوئے سوشل میڈیا پر ایک مثبت پوسٹ شیئر کی جس میں انہوں نے ان تمام افراد کا شکریہ ادا کیا ہے جنہوں نے ان کی جانب سے تنقید کا جواب دیا اور ان کو زبردست سپورٹ کیا۔

View this post on Instagram

Dum lele, ghadi bhar Yeh chhaiyan payega kahan Wahan kaun hai tera.. Musafir jaayega kahan

A post shared by Mahira Khan (@mahirahkhan) on 

ماہرہ خان لکھتی ہیں کہ میں نے کسی کو اپنی حمایت کرنے کے لیے نہیں کہا تھا لیکن جیسے سب نے خود سے میرا ساتھ دیا اس نے مجھے مزید خاص بنادیا ہے۔

انہوں نے کہا کہ بطور فنکار میں اپنی انڈسٹری پر فخر محسوس کرتی ہوں، میں اپنے سینئر فنکاروں کی شکرگزار ہوں کہ انہوں نے میری طرح کئی افراد کے لیے راستے ہموار کیے۔

اداکارہ کا کہنا تھا میں فخر سے کہہ سکتی ہوں کہ میں نے وہ کیا جو سوچا اور جو صحیح تھا اور کبھی بھی خود کو دوسروں کی سوچ کا شکار نہیں ہونے دیا کہ ان کے مطابق میرے لیے کیا صحیح تھا۔

ماہرہ نے تنقید کا جواب دیتے ہوئے لکھا کہ اس نفرت بھری دنیا میں محبت کا انتخاب کرتے ہیں، دوسروں کی رائے کو برداشت کرتے ہیں اور اپنی لڑائی کو نظریوں کےخلاف کرتے ہیں۔

اداکارہ نے مزید لکھا کہ ایک کامیاب عورت کی یہ سوچ خوف نہیں بلکہ یہ ایک خوبصورتی اور خودمختاری ہے۔

آخر میں ماہرہ لکھتی ہیں کہ ایک دوسرے پر انگلی اٹھانا بند کرتے ہیں تاکہ ہمارا ملک اور انڈسٹری ایسے ترقی کرے جیسے کسی نے نہ کی ہو۔

واضح رہے کہ ماہرہ خان ان دنوں اپنی نئی فلم ‘سپر اسٹار’ کی تشہیر میں مصروف ہیں جس میں وہ اداکار بلال اشرف کے ساتھ پہلی مرتبہ جلوہ گر ہوں گی۔

فلم ‘سپر اسٹار’ عیدالاضحی کے موقع پر سینما گھروں کی زینت بنے گی

کنگنا رناوت کی فلم ’ججمنٹل ہے کیا‘ کے پوسٹر کے چربہ ہونے کا الزام

ممبئی: غیر ملکی اداکارہ نے بھارتی فلم ’ججمنٹل ہے کیا‘ کے پوسٹر کے چربہ ہونے کا الزام عائد کیا ہے۔

بولی وڈ فلم ساز اپنی چربہ سازی کی وجہ سے دنیا بھر میں بدنام ہیں۔ ادکارہ کنگنا رناوت اور راج کمار راؤ کی نئی فلم ’ججمنٹل ہے کیا‘ کے فلم سازوں پر بھی چوری کا الزام سامنے آیا ہے۔

ہنگری کی فن کارہ فلورہ بورسی نے کہا ہے کہ ’ججمنٹل ہے کیا‘ کا پوسٹر ہوبہو اس کے پوسٹر کا چربہ ہے۔ پوسٹر میں کنگنا رناوت کے آدھے چہرے کے آگے سیاہ بلی بیٹھی ہے۔

فلورہ بورسی نے الزام لگایا کہ ’ججمنٹل ہے کیا‘ کے فلم سازوں نے اس کے پوسٹر کی نقل کی ہے اور فن کی چوری کے مرتکب ہوئے۔ فلورہ بورسی نے کہا کہ بھارتی فلم سازوں کی یہ حرکت انتہائی نامناسب ہے، اگر انہیں اس کے فن کی نقل کرنی ہی تھی تو پہلے اخلاقی طور پر اجازت لینی چاہیے تھی۔

’ اداکارہ شادی کرتی ہے تو اگلا سوال حاملہ ہونے سے متعلق پوچھا جاتا ہے‘

بولی وڈ اداکارہ انوشکا شرما نے حاملہ ہونے کی افواہوں سے متعلق ایک بار پھر خاموشی توڑتے ہوئے کہا ہے کہ اگر ایک اداکارہ شادی کرتی ہے تو اس کے بعد اگلا سوال اس کے حاملہ ہونے سے متعلق پوچھا جاتا ہے۔

خیال رہے کہ انوشکا شرما کی آخری فلم ‘زیرو’ گزشتہ سال دسمبر میں ریلیز ہوئی تھی۔

زیرو فلم میں ان کے ہمراہ کترینہ کیف اور شاہ رخ خان نے مرکزی کردار نبھایا تھا، البتہ فلم بری طرح باکس آفس پر ناکام ثابت ہوئی تھی۔

فلم فیئر کو دیے گئے ایک انٹرویو میں انوشکا شرما نے نہ صرف حاملہ ہونے کی خبروں سے متعلق جواب دیا بلکہ ان کی تردید بھی کی۔

انوشکا شرما نے کہا کہ ’ اگر ایک اداکارہ شادی کرتی ہے تو اس کے بعد اگلا سوال پوچھا جاتا ہے کہ کیا وہ حاملہ ہے؟ جب وہ ڈیٹ کررہی تو پوچھا جاتا ہے کہ شادی کرنے والے ہیں کہ نہیں ؟ یہ انتہائی غیر مہذب ہے‘۔

اداکارہ نے کہا کہ ’ آپ کو لوگوں کو ان کی زندگی جینے کی اجازت دینی چاہیے، مناسب وقت سے پہلے بولنے کی کیا ضرورت ہے؟ ایسا ماحول بنادیا جاتا ہے جہاں غیر ضروری وضاحتیں دینی پڑتی ہیں‘۔

انوشکا اور ویرات نے 2017 میں اٹلی میں شادی کی تھی—فوٹو: انسٹاگرام
انوشکا اور ویرات نے 2017 میں اٹلی میں شادی کی تھی—فوٹو: انسٹاگرام

انوشکا شرما کا کہنا تھا کہ وضاحت دینا مجھے ناپسند ہے، کیا مجھے وضاحت دینے کی ضرورت ہے ؟ لیکن پھر ایسا ہی ہوتا ہے۔

انہوں نے کہا کہ ’ کوئی بھی اداکارہ شادی کرتی ہے تو سب کے بارے میں کچھ نہ کچھ کہا جاتا ہے، کسی نے ڈھیلا ڈھالا لباس پہنا ہوا ہے کیونکہ وہ ٹرینڈی ہےمگر کہا جاتا ہے کہ اداکارہ حاملہ ہے‘۔

انوشکا شرما نہ کہا کہ ’ آپ اس بارے میں کچھ نہیں کرسکتے ، صرف نظر انداز کرسکتے ہیں‘۔

گزشتہ برس فلم ’ زیرو‘ کی تشہیر کے دوران انوشکا شرما کے حوالے سے یہ خبریں بھارتی میڈیا میں وائرل تھیں کہ وہ امید سے ہیں۔

اس حوالے سے اطلاعات تھیں کہ وہ حمل سے ہیں، تاہم وہ اپنی آنے والی فلم کی ریلیز کی وجہ سے امید سے ہونے کا اعتراف نہیں کر رہیں۔

بعدازاں انوشکا شرما نے ایک انٹرویو کے دوران اپنے امید سے ہونے کی خبروں پر حیرانگی کا اظہار کرتے ہوئے کہا تھا کہ نہ جانے لوگوں کے پاس ایسی خبریں کہاں سے آجاتی ہیں۔

اس بارے میں کچھ نہیں کرسکتے ، صرف نظر انداز کرسکتے ہیں،اداکارہ—فوٹو: انڈیا ڈاٹ کام
اس بارے میں کچھ نہیں کرسکتے ، صرف نظر انداز کرسکتے ہیں،اداکارہ—فوٹو: انڈیا ڈاٹ کام

انوشکا شرما کا کہنا تھا کہ امید سے ہونا، کوئی عام بات نہیں، جسے چھپایا جاسکے۔

اداکارہ نے وضاحت کی تھی کہ کوئی بھی شخص اپنی شادی کو تو چھپا سکتا ہے، تاہم وہ حمل کو نہیں چھپا سکتا۔

انوشکا شرما نے حیرانگی کا اظہار کرتے ہوئے مزید کہا تھا کہ انہیں اس بات پر تعجب ہوتا ہے کہ ’لوگ کسی بھی خاتون کو شادی سے قبل حاملہ اور امید سے ہونے سے پہلے ہی اسے ماں بنا دیتے ہیں‘۔

یاد رہے کہ ویرات کوہلی اور انوشکا شرما نے 2017 دسمبر میں اٹلی میں شادی کی تھی، ان کی شادی کی تقریبات میں صرف خاندان کے افراد اور قریبی دوست شامل تھے۔

انوشکا اور ویرات کی شادی سے قبل اٹلی میں ان کی منگنی اور مہندی کی رسومات ہوئیں، جس کے بعد بھارت واپس آکر ان دونوں نے دہلی اور ممبئی میں شادی کے استقبالیہ منعقد کیے تھے۔

سنجے دت کی 60 ویں سالگرہ کے موقع پر ان کی نئی فلم کا پوسٹر جاری

ممبئی: بالی ووڈ کے معروف اداکار سنجے دت کی 60 ویں سالگرہ کے موقع پر مداحوں کے لئے نئی فلم کا پوسٹر جاری کردیا گیا ہے۔

بھارتی میڈیا رپورٹس کے مطابق فلم نگری میں سنجو بابا کے نام سے پہچانے جانے والے سنجے دت آج کے روز اپنی 60 ویں سالگرہ منا رہے ہیں۔ اس خوشی کے موقع پر بھی سنجے دت اپنے مداحوں کو نہ بھولے۔  اپنی سالگرہ کو منفرد بنانے کے لئے آج ہی کے روز اُن کی نئی آنے والی فلم ’کے جی ایف چیپٹر ٹو‘ کا پہلا پوسٹر جاری کیا گیا ہے۔

ہوم بیل فلم کی جانب سے سنجے دت کی نئی آنے والی فلم کا پوسٹر جاری کیا گیا۔ فلم کے پوسٹر میں سنجو بابا منفرد انداز کے ساتھ منہ چھپائے غصے میں دکھائی دے رہے ہیں، سنجے دت فلم میں ادھیرہ کے نام کا مرکزی کردار ادا کر رہے ہیں۔

سماجی رابطے کی سائٹ ٹوئٹر پر سنجے دت نے بھی اپنی ٹوئٹ میں فلم کے پوسٹر پر خوشی کا اظہار کرتے ہوئے کہا کہ اس فلم کا حصہ ہونے پر مجھے بہت خوشی ہے۔

واضح رہے کہ پراشانتھ نیل کی ہدایتکاری میں بننے والی فلم ’ کے جی ایف چیپٹر ٹو‘ کا پہلا پارٹ گزشتہ سال ریلیز کی جا چکا ہے تاہم فلم کا دوسرا حصہ سنجے دت کے کردار کے ساتھ ایک نئے انداز میں پیش ہونے جارہا ہے۔

‘محبت میں دوسرا موقع ہر کسی کا حق ہے’

بولی وڈ اداکارہ ملائیکا اروڑا کی اداکار و پروڈیوسر ارباز خان سے طلاق کے بعد خود سے کئی سال چھوٹے اداکار ارجن کپور سے تعلق رکھنے کے باعث سوشل میڈیا پر اکثر و بیشتر شدید تنقید کا سامنا کرنا پڑتا رہتا ہے۔

کوئی اداکارہ پر ارباز خان سے علیحدہ ہونے کے باعث تنقید کرتا جبکہ کوئی اداکارہ کو خود سے کم عمر اداکار سے تعلقات رکھنے پر برا بھلا کہتا۔

تاہم ملائیکا اروڑا کے مطابق انہیں لوگوں کی تنقید سے کوئی فرق نہیں پڑتا اور ان کا ماننا ہے کہ محبت میں سب کو دوسرا موقع ضرور ملنا چاہیے۔

حال ہی میں بھارتی میڈیا کو دیے ایک انٹرویو میں اداکارہ کا کہنا تھا کہ ‘محبت میں دوسرا موقع ہر کسی کا حق ہے اور لوگوں کو کھلے ذہن سے اسے قبول کرنا چاہیے’۔

45 سالہ ملائیکا کا 34 سالہ ارجن کپور سے تعلق کو خفیہ رکھنے پر کہنا تھا کہ ‘ایسے تعلق کو ہمیشہ تنقید کا سامنا کرنا پڑتا ہے، لوگوں کو اب ہر بات کو سمجھنا چاہیے، ہمارے ملک میں ایسے رشتوں کو نہ جانے کیوں غلط سمجھا جاتا ہے، سب کو اپنی سوچ وسیع رکھنی چاہیے’۔

اداکارہ کے مطابق بھارت میں آج بھی کسی خاتون کا دوسری مرتبہ محبت کرنا ممنوع سمجھا جاتا ہے۔

ملائیکا نے مزید بتایا کہ انہیں خود سے چھوٹے اداکار سے تعلق رکھنے پر ہونے والی تنقید سے کوئی فرق نہیں پڑتا۔

جبکہ اپنے اسٹائل پر کی جانے والی باتوں کو بھی وہ نظر انداز کردیتی ہیں۔

اداکارہ کا کہنا تھا کہ ‘میں اپنا مذاق اڑانے والوں اور تنقید کرنے والوں کو زیادہ اہمیت نہیں دیتی’۔

یاد رہے کہ ملائیکا اروڑا نے ایک ویڈیو جوکی کے طور پر اپنے کیریئر کے آغاز کیا تھا، تاہم انہیں سب سے زیادہ مقبولیت شاہ رخ خان کی فلم ‘دل سے’ میں چھئیاں چھئیاں گانے پر رقص کرنے کے ساتھ ملی۔

ملائیکا کی ارباز خان سے 1998 میں شادی ہوئی تھی، تاہم 2017 میں ان دونوں کی طلاق ہوگئی۔

سارہ علی خان نے کارتک آریان کا دل جیت لیا

ممبئی: بالی ووڈ کے چھوٹے نواب سیف علی خان کی بیٹی سارہ علی خان سارہ علی خان نے کارتک آریان کا دل جیت لیا۔

بالی ووڈ میں آئے دن نت نئی جوڑیاں بنتی اور ٹوٹتی رہتی ہیں لیکن ان دنوں نوجوان اداکار کارتک آریان اور اداکارہ سارہ علی خان کی جوڑٰی کے چرچے ہیں اور یہ سلسلہ خود سارہ علی خان نے ہدایت کار کرن جوہر کے پروگرام کافی ود کرن میں مزاحیہ انداز میں یہ کہہ کر شروع کیا تھا کہ وہ کارتک آریان کو ’ڈیٹ‘ کرنا چاہیں گی اور اداکار رنویر سنگھ نے دونوں کو ایک پارٹی میں ملواکر سارہ کی خواہش پوری کردی۔

سارہ علی خان اور کارتک آریان کی بڑھتی ہوئی مقبولیت کو دیکھتے ہوئے نامور ہدایت کار امتیاز علی نے دونوں کو فلم میں کاسٹ کرنے کا فیصلہ کیا، امتیاز علی ہی کی کامیاب فلم ’لو آج کل‘ کے سیکوئل کی شوٹنگ تو مکمل ہوگئی لیکن نام اب تک فائنل نہ ہوسکا تاہم کہا جارہا ہے فلم کا نام ’لو آج کل ٹو‘ رکھا جائے گا۔

ایک انٹریو میں کارتک آریان نے سارہ علی خان کی تعریفوں کے پل باندھ دیے، ان کا کہنا تھا کہ سارہ نہ صرف ایک اسٹار ہے بلکہ اس کا دل بھی سونے کا ہے، مجھے اس کے ساتھ کام کرنے میں بے حد مزہ آیا جب کہ سارہ میں مثبت توانائی ہے جسے وہ اسکرین پر لانے کی کوشش کرتی ہے اور میں بار بار سارہ علی کے ساتھ کام کرنا چاہوں گا۔

دوسری جانب اداکارہ سارہ علی خان پہلی بار ریمپ پر واک کرتی ہوئی دکھائی دی، انڈیا کوچیور ویک 2019 کے ریمپ پر جلوے بکھیرتے ہوئے سارہ نے اپنی منفرد اداوں سے سب کو محظوظ کیا۔

واضح رہے کارتک آریان ان دنوں فلم ’پتی پتنی اور وہ‘ کے علاوہ ’دوستانہ ٹو‘ کی شوٹنگ میں مصروف ہیں۔

Google Analytics Alternative