انٹر ٹینمنٹ

بالی ووڈ میں ناکامی کے بعد دوسرے شعبوں میں قسمت آزمانے والے اداکار

کراچی: بالی ووڈ میں کام کرنا ہر شخص کا خواب ہوتا ہے لیکن ضروری نہیں کہ ہر کسی کا یہ خواب سچ ہوجائے بہت سے لوگ فلم انڈسٹری میں نام بنانے میں کامیاب ہوجاتے ہیں جب کہ کچھ لوگوں کے حصے میں صرف ناکامی آتی ہے۔ لیکن اس کا مطلب یہ نہیں کہ اگر ایک شعبے میں ناکام ہوگئے تو زندگی رک گئی، بلکہ وہی لوگ حقیقت میں کامیاب کہلاتے ہیں جوایک شعبے میں ناکامی کے بعد دوسرے شعبوں میں قسمت آزمائی کرتے ہیں اورکامیاب رہتے ہیں۔ یہاں ایسے ہی بالی ووڈ اداکاروں کے بارے میں تحریر پیش کی جارہی ہے  جنہوں نے فلموں میں فیل ہونے کے بعد دوسرے شعبوں میں قسمت آزمائی اور کامیاب رہے۔

ٹوئنکل کھنہ

بھارتی فلم انڈسٹری کے سپر اسٹار راجیشن کھنہ اور ڈمپل کپاڈیا کی بیٹی ٹوئنکل کھنہ نے اپنے والدین کے نقش قدم پر چلتے ہوئے بالی ووڈ میں قسمت آزمائی کی اور ’’برسات‘‘، ’’میلہ‘‘،’’بادشاہ‘‘،’’زلمی‘‘ اور’’انٹرنیشنل کھلاڑی‘‘جیسی فلموں میں کام کیا۔ لیکن بالی ووڈ کے صف اول کے ادکاروں کے ساتھ کام کرنے کے باوجود ٹوئنکل کھنہ بالی ووڈ میں کیریئر بنانے میں ناکام رہیں۔ ٹوئنکل آخری بار 2010 میں ریلیز ہوئی فلم’’لو کیلئے کچھ بھی کرے گا‘‘میں نظر آئی تھیں لیکن یہ فلم بھی فلاپ ہونے کے بعد انہوں نے اداکاری کو خیرباد کہہ دیا اوربطور لکھاری نئے کیریئر کی شروعات کی جس میں انہیں بے انتہا کامیابی ملی۔ آج ٹوئنکل کھنہ کا شمار بھارت کی مشہور مصنفہ اور انٹیریئر ڈیزائنرز میں ہوتاہے۔

ساحل خان

2001 میں فلم’’اسٹائل‘‘سے بالی ووڈ کیریئر کا آغاز کرنے والے اداکار ساحل خان بھی بطور اداکار اپنی چھاپ چھوڑنے میں ناکام ہوگئے۔ جس کے بعد انہوں نے گوا میں فٹنس ٹریننگ سینٹر کھولا اورآج وہ ایک کامیاب جم چین کے مالک ہیں۔

میوری کانگو

1996میں ریلیز ہوئی فلم ’’پاپا کہتے ہیں‘‘کے گانے’’گھر سے نکلتے ہی کچھ دور چلتے ہی‘‘سے مقبولیت حاصل کرنے والی اداکارہ میوری کانگو کا بالی ووڈ کیریئر بھی خاص کامیابی حاصل نہ کرسکا اور وہ بطور اداکارہ شائقین کو متاثر کرنے میں ناکام ہوگئیں۔ لیکن انہوں نے ایک شعبے میں فیل ہونے کے بعد ہمت نہیں ہاری اورامریکا میں ایم بی اے مکمل کرنے کے بعد مارکیٹنگ کے شعبے میں بطور ایسوسی ایٹ مینجر کام کیا۔ بعد ازاں وہ دوبارہ بھارت منتقل ہوگئیں اورانہوں نے رواں سال گوگل انڈیا کو  بطور انڈسٹری ہیڈ جوائن کیا ہے۔ میوری بطور اداکارہ تو کامیابی حاصل نہ کرسکیں لیکن آج وہ ان تمام لوگوں کے لیے آئیڈیل کی حیثیت رکھتی ہیں جو ایک جاب میں ناکامی کو لے کر ساری زندگی بیٹھے رہتے ہیں اور اپنی حقیقی صلاحیتوں کو پہچان ہی نہیں پاتے۔

کمار گورو

اداکار کمار گورو نے 1981 میں فلم’’لواسٹوری‘‘سے بالی ووڈ ڈیبیو کیا تھا لیکن اس کے بعد وہ بھارتی فلم انڈسٹری میں قابل ذکر کام نہ کرسکے۔ اداکار کمار گورو 2002 میں فلم ’’کانٹے‘‘میں نظر آئے تھے۔ تاہم اس کے بعد انہوں نے بالی ووڈ کو خیرباد کہہ کر مالدیپ  میں سیاحت کے بزنس میں قسمت آزمائی کی اور کامیابی سے اس بزنس کو چلارہے ہیں۔

منداکنی

فلم ’’رام تیری گنگا میلی‘‘ سے شہرت حاصل کرنے والی اداکارہ منداکنی نے بھی فلموں میں قابل ذکر کام نہ ملنے کی وجہ سے بالی ووڈ چھوڑ دیا۔ وہ آج کل ممبئی میں یوگا ٹرینرکی حیثیت سے ملازمت کررہی ہیں۔

ڈینو موریا

نامور ماڈل و اداکار ڈینو موریا نے’’راز‘‘،’’عشق  ہے تم سے‘‘اور ’’پیار میں کبھی کبھی‘‘جیسی فلموں میں کام کیا لیکن وہ بھی سپر اسٹار کا درجہ حاصل نہ کرسکے۔ 2010 میں فلم’’پیار امپوسیبل‘‘میں کام کرنے کے بعد انہوں نے بھی شوبز کو خیرباد کہہ دیا اوروہ ممبئی میں کیفے چین چلارہے ہیں۔

کِم شرما

فلم’’محبتیں‘‘میں کام کرنے والی اداکارہ کم شرما بھی بالی ووڈ میں قدم جمانے میں فیل ہوگئیں۔ اداکارہ کِم آخری بار فلم’’تاج محل‘‘میں نظر آئی تھیں لیکن یہ فلم باکس آفس پر نہ چل سکی۔ فلموں میں ناکامی کے بعد انہوں نے ہار نہیں مانی اور انہوں نے برائیڈل گروومنگ اسٹوڈیو کھولا اور اسے کامیابی سے چلارہی ہیں۔

سارہ علی خان کے پہلی بار ریمپ پر دلکش جلوے

بالی وڈ نواب سیف علی خان کی صاحبزادی و اداکارہ سارہ علی خان نے اسکرین کے بعد ریمپ پر بھی دلکش جلوے بکھیر دیے۔

سارہ علی خان نے انڈیا کوچیور ویک 2019 کے ریمپ پر پہلی مرتبہ جلوے بکھیرے جس میں انہوں نے اپنی منفرد اداوں سے سب کو خوب محظوظ کیا۔

سارہ علی خان نے انڈیا کوچیور ویک میں ڈیزائنر فلگونی اور شین پی کوک کا ڈیزائن کردہ سفید رنگ کا دیدہ زیب عروسی لباس زیب تن کیا اور ریمپ پر شاندار واک کی۔

فیشن شو میں سارہ علی خان کی حوصلہ افزائی کرنے کے لیے ان کے دوست و اداکار کارتک آریان اور ان کے بھائی ابراھیم بھی موجود تھے۔

اس موقع پر کارتک آریان نے سارہ کی خوب تعریف کی اور ان کے لیے نیک خواہشات کا اظہار کیا۔

ویڈیو میں دیکھا جاسکتا ہے کہ سارہ ریمپ پر شاندار واک کرتے ہوئے آتی ہیں اور تمام ناظرین کو دلچسپ انداز میں آداب کرتی ہیں۔

سارہ نے اپنی پہلی ریمپ واک کی چند تصاویر سوشل میڈیا انسٹاگرام پر بھی شیئر کیں جس میں انہوں نے اپمی پہلی ریمپ واک کو یادگار قرار دیتے ہوئے ڈیزائنر کا شکریہ ادا کیا۔

واضح رہے کہ اداکارہ سارہ علی خان نے گزشتہ برس فلم ’کڈرناتھ‘ سے بالی وڈ فلم نگری میں قدم رکھا جس کے بعد متعدد انٹرویوز میں انکشاف کیا کہ کارتک آریان ان کے کرش ہیں۔

بعدازاں انہوں نے اپنی دوسری فلم ‘سمبا’ اداکار رنویر سنگھ کے ساتھ کی جس کی تشہیر کے دوران رنویر نے ان کی کارتک سے ملاقات کروائی۔

اداکارہ نے ایکانٹرویو میں یہ بھی انکشاف کیا تھا کہ وہ کارتک کے ساتھ ضرور کام کرنا چاہتی ہیں تاہم آئندہ برس دونوں کی جوڑی فلم “لو آج کل 2” میں دکھائی دے گی۔

’ماہرہ خان نہ تو اچھی اداکارہ ہیں، نہ وہ ہیروئن بننے کے قابل ہیں‘

سینیئر اداکار فردوس جمال نے لولی وڈ سپراسٹار ماہرہ خان کو عمر رسیدہ قرار دیتے ہوئے انہیں تجویز دی ہے کہ اب انہیں فلموں میں ہیروئن نہیں بلکہ ماں کا کردار ادا کرنا چاہیے۔

فردوس جمال کے خیال میں ماہرہ خان نہ تو اچھی اداکارہ ہیں اور نہ ہی وہ ہیروئن بن سکتی ہیں، اس لیے انہیں اب فلموں میں والدہ کا کردار ادا کرنا چاہیے۔

یہ پہلا موقع ہے کہ ماہرہ خان کی عمر اور اداکاری پر کسی معتبر شوبز شخصیت نے اس طرح کی بات کرتے ہوئے انہیں کوئی تجویز دی ہے۔

جمال فردوس نجی ٹی وی چینل ’اے آر وائی‘ پر نشر ہونے والے اداکار فیصل قریشی کے پروگرام میں دوسرے افراد سمیت شریک ہوئے، جہاں دیگر شوبز معاملات سمیت ماہرہ خان کے حوالے سے بھی گفتگو کی گئی۔

ماہرہ خان پر پروگرام میں اس وقت گفتگو کی گئی جب پروگرام کے ایک سیگمنٹ میں ماہرہ خان کی تصویر دکھا کر ان پر مہمانوں کی رائے لی گئی۔

دلچسپ بات یہ ہے کہ ماہرہ خان کی تصویر دکھائے جانے کے بعد سب سے پہلے میزبان فیصل قریشی نے ان پر بات کی اور کہا کہ وہ ماہرہ خان کی آنے والی فلم کے لیے نیک خواہشات رکھتے ہیں اور چاہتے ہیں کہ ان کی کم سے کم ایک فلم تو کامیاب جائے۔

فیصل قریشی کا کہنا تھا کہ حیران کن طور پر ماہرہ خان کی اب تک کوئی ایک بھی فلم کامیاب نہیں گئی۔

فیصل قریشی کی گفتگو کے دوران فردوس جمال نے مداخلت کرتے ہوئے کہا کہ ’ان سے تو ماہرہ خان سے متعلق رائے لی ہی نہیں گئی؟

جس پر فیصل قریشی نے انہیں جواب دیا کہ وہ ان کی جانب آنے والے ہیں لیکن اپنی باری سے قبل ہی سینیئر اداکار فردوس جمال نے ماہرہ خان سے متعلق گفتگو کرنا شروع کردی۔

فردوس جمال نے اداکارہ اور مداحوں سے معذرت کرتے ہوئے کہا کہ ان کی نظر میں ماہرہ خان نہ تو اچھی اداکارہ ہیں اور نہ ہی وہ کبھی اچھی ہیروئن بن سکتی ہیں۔

65 سالہ اداکار کے مطابق ان کے خیال میں ماہرہ خان ایک ماڈل ہو سکتی ہیں، تاہم وہ کسی فلم کی ہیروئن جیسی نہیں لگتیں۔

فردوس جمال نے ماہرہ خان سے متعلق گفتگو جاری رکھتے ہوئے کہا کہ شاید ماہرہ خان کی عمر زیادہ ہوگئی ہے، اس لیے اب انہیں فلموں میں ہیروئن کے بجائے ماں کا کردار ادا کرنا چاہیے۔

فردوس جمال کی گفتگو کے دوران فیصل قریشی نے ماہرہ خان کا دفاع کرنے کے بجائے اپنی بات دہرائی کی خدا کرے کہ اداکارہ کی کوئی ایک فلم تو کامیاب جائے۔

پروگرام میں موجود ایک اور مہمان نے بھی ماہرہ خان کے حوالے سے بات کی اور انکشاف کیا کہ فیصلہ قریشی اداکارہ کو بہت پسند کرتے ہیں اور ساتھ ہی وہ چاہتے ہیں کہ ماہرہ خان بھی انہیں اسی طرح پسند کرے۔

پروگرام میں شامل مہمانوں کی باتوں پر فیصل قریشی نہ کوئی واضح رد عمل نہیں دیا۔

فردوس جمال کی جانب سے ماہرہ خان کے حوالے سے اس طرح کی گفتگو کیے جانے کے بعد سوشل میڈیا پر شوبز شخصیات نے انہیں تنقید کا نشانہ بھی بنایا۔

فیصل کپاڈیا نے اپنی ٹوئیٹ میں فردوس جمال کو معتبر اور احترام کے لائق لکھتے ہوئے لکھا کہ وہ حیران ہیں کہ فردوس جمال جیسے شخص کی نظر میں بھی خاتون کے ہیروئن بننے کا تعلق عمر سے ہوتا ہے۔

اداکار خالد عثمان بٹ نے بھی فردوس جمال کے بیان پر حیرانگی کا اظہار کیا اور کہا کہ اگر شوبز انڈسٹری کی شخصیات ہی ہم ایک دوسرے اور خاص طور پر خواتین کی عزت نہیں کریں گے تو دوسرے لوگ کیسے کریں گے؟

ان کے علاوہ دیگر عینی نے بھی فردوس جمال کے بیان پر تعجب کا اظہار کیا اور کہا کہ اس طرح کسی مرد کے حوالے سے بات نہیں کرسکتے۔

دیگر سوشل میڈیا صارفین نے بھی فردوس جمال کے خیالات سے اتفاق نہیں کیا اور کہا کہ 65 سالہ سینیئر اداکار کہہ رہے ہیں کہ ماہرہ خان عمر رسیدہ ہو چکی ہیں۔

خیال رہے کہ ماہرہ خان ان دنوں اپنی آنے والی فلم ’سپر اسٹار‘ کی تشہیر میں مصروف ہیں، ان کی یہ فلم آئندہ ماہ عیدالاضحیٰ پر ریلیز ہوگی۔

سپر اسٹار میں ماہرہ خان کے ساتھ بلال اشرف رومانس کرتے دکھائی دیں گے۔

’’طیفا ان ٹربل‘‘ جیکی چن فلم فیسٹیول میں بہترین ایکشن فلم کیلئے نامزد

چین: گزشتہ برس ریلیز ہونے والی علی ظفر کی ایکشن کامیڈی فلم’’طیفا ان ٹربل‘‘ کو جیکی چن ایکشن فلم فیسٹیول میں بہترین ایکشن فلم کےلیے نامزد کیا گیا ہے۔

نامور گلوکارواداکار علی ظفر اور مایا علی کی کامیاب فلم ’’طیفا ان ٹربل‘‘ کو  چین کے صوبہ شانشی میں منعقد ہونے والے پانچویں جیکی چن انٹرنیشنل ایکشن فلم فیسٹیول میں بہترین ایکشن فلم کے لیے نامزد کیاگیا ہے۔ ’’طیفا ان ٹربل‘‘ کے ہیرو علی ظفر نے ٹوئٹر پر شائقین کو آگاہ کرتے ہوئے کہا کہ وہ  جیکی چین ایکشن فلم فیسٹیول میں پاکستان کی نمائندگی کے لیے چین میں موجود ہیں۔

علی ظفر نے یہ بھی بتایا کہ فیسٹیول میں نہ صرف ان کی فلم بہترین فلم کے لیے نامزد ہے بلکہ فلم کے ہدایت کار احسن رحیم بہترین ایکشن ہدایت کاراور وہ خود بہترین ایکشن ہیرو کے لیے نامزد ہیں۔

واضح رہے کہ اس فلم فیسٹیول میں چین اور بیرون ممالک کی ایکشن فلموں کی نمائش کی جاتی ہے اور دنیا بھر سے شرکت کرنے والے فلمسازوں اور فلموں کو ’’آئرن مین ایوارڈز‘‘سے نوازاجاتا ہے۔

پرینیتی چوپڑا کا پریانکا کی وائرل تصویر پر تبصرہ کرنے سے انکار

ممبئی: نامور بالی ووڈ اداکارہ پرینیتی چوپڑا نے اپنی بہن اوراداکارہ پریانکا چوپڑا کی سگریٹ پیتے ہوئے وائرل ہونے والی تصویر پر تبصرہ کرنے سے انکار کردیا۔

بالی ووڈ اور ہالی ووڈ کی نامور اداکارہ پریانکا چوپڑا کی حال ہی میں ایک تصویر وائرل ہوئی ہے جس میں وہ سگریٹ پیتی ہوئی نظر آرہی ہیں۔ جب کہ ان کے برابر میں موجود ان کے شوہر نک جونز اور ان کی والدہ مدھو چوپڑا بھی سگار کا مزہ لے رہی ہیں۔ پریانکا کی یہ تصویر ان کی 37 ویں سالگرہ کی ہے۔ تصویر میں پریانکا سگریٹ پی کر اپنی سالگرہ کا جشن مناتی نظر آرہی ہیں۔

یاد رہے کہ پریانکا چوپڑا نا صرف دمہ کے حوالے سے چلائی جانے والی مہم کا حصہ ہیں بلکہ خود دمے کی مریضہ بھی ہیں اور گزشتہ برس انہوں نے لوگوں کو دمہ کے حوالے سے آگاہی دینے کی مہم میں بڑھ چڑھ کر حصہ لیاتھا۔ لہذٰا سوشل میڈیا صارفین نے پریانکا چوپڑا کو سگریٹ پینے پر ان کے دُہرے معیار کو شدید تنقید کا نشانہ بناتے ہوئے انہیں دوغلہ قرار دیا ہے۔

حال ہی میں جب پریانکا کی بہن پرینیتی چوپڑا سے ایک تقریب کے دوران اس بارے میں سوال کیاگیا تو انہوں نے یہ کہہ کر اس پر تبصرہ کرنے سے انکار کردیا کہ اس بارے میں بولنے کا ان کا کوئی حق نہیں۔

دبئی میں فحش پرفارمنس پر مراکشی گلوکارہ کو قید

متحدہ عرب امارات (یو اے ای) کی ریاست دبئی کی ایک مقامی عدالت نے مراکشی نژاد گلوکارہ کو سال نو کے موقع پر ایک پرفارمنس کے دوران نامانسب انداز اپنانے کے جرم میں جیل قید اور ملک بدر کرنے کی سزا سنادی۔

خوبرو گلوکارہ مریم حسین پر الزام تھا کہ انہوں نے سال نو کے موقع پر ہونے والے ایک پرفارمنس کے دوران ساتھی ریپر کے ساتھ نامناسب انداز اپنایا۔

اگرچہ مریم حسین نے الزامات کو مسترد کیا تھا اور اسے نادانستہ طور پر ہونے والی غلطی قرار دیا تھا، تاہم ان کی پرفارمنس کی ویڈیوز وائرل ہوگئی تھیں۔

تقریب کی ویڈیوز کو حقوق یو اے ای کے میڈیا پرسن صالح الجسمی کے پاس تھے، جنہوں نے ویڈیوز کی کلپس وائرل ہونے کے بعد مراکشی نژاد گلوکارہ پر ویڈیوز کو تقسیم کرنے کے تحت بھی مقدمہ دائر کیا تھا اور ساتھ ہی ان پر تقریب کے دوران نامناسب انداز اختیار کرنے کا الزام لگایا تھا۔

مریم حسین دبئی میں مقیم تھیں—فوٹو: انسٹاگرام
مریم حسین دبئی میں مقیم تھیں—فوٹو: انسٹاگرام

سعودی عرب کے ویمن میگزین ’سیدتی‘ کے مطابق مریم حسین اور صالح الجسمی کے درمیان کئی ماہ سے قانونی جنگ چل رہی تھی اور دونوں کے درمیان سوشل میڈیا پر بھی لفظی جنگ جاری رہتی تھی۔

تاہم اب دبئی کی مقامی عدالت نے دونوں کی قانونی جنگ کو ختم کرتے ہوئے مراکشی نژاد گلوکارہ کو نامناسب پرفارمنس کرنے کا مجرم قرار دیتے ہوئے انہیں تین ماہ قید اور سزا مکمل ہونے کے بعد یو اے ای سے بدر کرنے کا حکم دیا۔

رپورٹ میں صالح الجسمی اور مریم حسین کے وکیل کا حوالہ دیتے ہوئے بتایا گیا کہ دونوں کے وکلاء نے سوشل میڈیا پر مقامی عدالت کے فیصلے کی تصدیق کی۔

رپورٹ کے مطابق صالح الجسمی کے وکیل نے سوشل میڈیا پر لکھا کہ ان کے مؤکل کو عدالت نے بری کردیا جب کہ مریم حسین کو جیل قید اور ملک بدر کرنے کی سزا سنائی گئی۔

دوسری جانب مریم حسین کے وکیل نے بھی اپنی مؤکل کو سزا سنائے جانے کی تصدیق کی، تاہم ساتھ ہی بتایا کہ ان کے پاس ملک بدری کے فیصلے کے خلاف اپیل دائر کرنے کا حق موجود ہے۔

مریم حسین کافی عرصے سے یو اے ای میں مقیم ہیں اور وہ دبئی سمیت دیگر ریاستوں میں پرفارمنس کرتی دکھائی دیتی ہیں۔

مریم حسین کے پاس ملک بدری کے فیصلے کے خلاف اپیل دائر کرنے کا حق ہے—فوٹو: انسٹاگرام
مریم حسین کے پاس ملک بدری کے فیصلے کے خلاف اپیل دائر کرنے کا حق ہے—فوٹو: انسٹاگرام

بوائے فرینڈ نے دھوکا دیا تو زندہ رہ نہیں پاؤں گی، سوناکشی سنہا

بولی وڈ دبنگ گرل سوناکشی سنہا آج کل اپنی آنے والی کامیڈی ایکشن فلم ’خاندانی شفا خانہ‘ کی تشہیر میں مصروف ہیں، جس میں وہ پہلی مرتبہ منفرد بولڈ کردار میں نظر آئیں گی۔

’خاندانی شفا خانہ‘ میں سوناکشی سنہا ایک ایسی لڑکی کا کردار ادا کرتی دکھائی دیں گی جو اپنے خاندان کے بزرگ افراد کے چل بسنے کے بعد شفا خانہ سنبھالتی ہیں اور بیمار لوگوں کا علاج کرتی دکھائی دیتی ہیں۔

فلم میں سوناکشی سنہا عام بیماریوں کے ساتھ ساتھ لوگوں کے جنسی مسائل کو بھی حل کرتی دکھائی دیتی ہیں اور ان کی اسی فلم کے ٹریلر پر بھی لوگوں نے اعتراض کیا ہے۔

’خاندانی شفا خانہ‘ کی تشہیر کے دوران بات کرتے ہوئے سوناکشی سنہا نے پہلی مرتبہ اپنی ذاتی زندگی کے رازوں سے پردہ اٹھایا اور بتایا کہ وہ اہم شخصیت سے محبت کر چکی ہیں۔

گھر والے شادی کے لیے سشیل لڑکا چاہتے ہیں، اداکارہ—فوٹو: فیس بک
گھر والے شادی کے لیے سشیل لڑکا چاہتے ہیں، اداکارہ—فوٹو: فیس بک

بولی وڈ ہنگامہ کے مطابق سوناکشی سنہا نے اعتراف کیا کہ وہ ماضی میں شوبز کی ہی ایک اہم شخصیت کے ساتھ تعلقات میں رہی ہیں اور ان دونوں کے درمیان اچھے تعلقات تھے۔

اگرچہ سوناکشی سنہا نے اعتراف کیا کہ ان کے شوبز کے اشخاص سے تعلقات رہے ہیں تاہم انہوں نے کسی کا نام لینے سے گریز کیا۔

گفتگو کے دوران سوناکشی سنہا نے انکشاف کیا کہ ان کے والدین چاہتے ہیں کہ وہ جلد سے جلد شادی کے بندھن میں بندھ جائیں اور وہ ان کے لیے کوئی ’سشیل لڑکا‘ چاہتے ہیں۔

ماضی میں شوبز شخصیت سے تعلقات رہے ہیں، سوناکشی—فوٹو: انسٹاگرام
ماضی میں شوبز شخصیت سے تعلقات رہے ہیں، سوناکشی—فوٹو: انسٹاگرام

اداکارہ کا کہنا تھا کہ بولی وڈ میں کوئی ایسا سشیل لڑکا نہیں جس سے وہ شادی کریں۔

ایک سوال کے جواب میں دبنگ گرل کا کہنا تھا کہ اگر انہیں کسی سے محبت ہوجاتی ہے اور وہ ان کا بوائے فرینڈ انہیں دھوکا دیتا ہے تو وہ زندہ رہنا نہیں چاہیں گی۔

واضح رہے کہ ماضی میں 32 سالہ سوناکشی سنہا کا نام ارجن کپور سمیت سلمان خان اور بنٹے سجدے کے ساتھ جوڑا جاتا رہا ہے تاہم کبھی انہوں نے کسی کے ساتھ کھل کر تعلقات کا اعتراف نہیں کیا۔

پیار میں دھوکا ملا تو زندہ نہیں رہوں گی، اداکارہ—فوٹو: انسٹاگرام
پیار میں دھوکا ملا تو زندہ نہیں رہوں گی، اداکارہ—فوٹو: انسٹاگرام

سوناکشی سنہا نے 2010 میں سلمان خان کی فلم ’دبنگ‘ سے کیریئر کا آغاز کیا اور وہ ’دبنگ‘ سیریز کی پہلی دونوں فلموں اور اب جلد ہی آنے والی تیسری فلم میں بھی نظر آئیں گی۔

سوناکشی سنہا کی دوسری مشہور فلموں میں ’راؤڈی راٹھوڑ، جوکر، سن آف سردار، بلٹ راجا، تیور، اتفاق، ہیپی پھر بھاگ جائے گی اور کلنک‘ شامل ہیں۔

جلد ہی وہ ’خاندانی شفا خانہ‘ میں ایکشن میں دکھائی دیں گی، اب تک وہ 2 درجن سے زائد فلموں میں جلوہ گر ہوچکی ہیں۔

بولی وڈ میں کوئی ایسا لڑکا نہیں جس سے شادی کروں، اداکارہ—فوٹو: انسٹاگرام
بولی وڈ میں کوئی ایسا لڑکا نہیں جس سے شادی کروں، اداکارہ—فوٹو: انسٹاگرام

بھارت میں میری بہت تذلیل کی گئی، نورافتیحی

ممبئی: دلبردلبرگرل نورا فتیحی نے اپنی آپ بیتی بتاتے ہوئے کہا ہے کہ غیر ملکیوں کے لیے بھارت میں زندگی گزارنا بہت مشکل ہے جب کہ انہوں نے بالی ووڈ میں جگہ بنانے کے لیے کئی قربانیاں دی ہیں۔

’’دلبر دلبر‘‘گانے سے شہرت حاصل کرنے والی مراکشی اداکارہ نورافتیحی اپنے بہترین ڈانس کی بدولت آج بالی ووڈ کی ضرورت بن گئی ہیں، لیکن انہوں نے یہ کامیابی یونہی نہیں حاصل کرلی ہے بلکہ انہوں نے بھارتی فلم انڈسٹری میں جگہ بنانے کے لیے بہت قربانیاں دی ہیں۔

حال ہی میں دئیے گئے ایک انٹرویو میں نورا فتیحی نے بتایا کہ ابتدا میں انہیں ہندی زبان نہیں آتی تھی جس کی وجہ سے انہیں کئی بار آڈیشنز میں شرمندہ کیاگیا۔ نورا نے کہا لوگ مجھ پر ہنستے تھے جیسے میں کوئی سرکس ہوں، مجھے پریشان کرتے اور بہت تذلیل کرتے تھے۔ ایک بار ایک کاسٹنگ ایجنٹ نے مجھے کہا تھا کہ واپس چلی جاؤ ہمیں تمہاری ضرورت نہیں ہے۔ بالی ووڈ میں موجود لوگوں کے رویے دیکھ کر میں اپنے گھر جاتے ہوئے رو رہی تھی، میں یہ سب کبھی بھلا نہیں سکوں گی۔

نورا نے مزید کہا کہ وہ جس ایجنسی کے ذریعے کینیڈا سے بھارت آئی تھیں ان کا رویہ بہت ہی خراب تھا اور جب میں نے اس ایجنسی کو چھوڑنا چاہا تو انہوں نے میرے 20 لاکھ روپے دینے سے انکار کردیا، جو میں نے ایک اشتہاری ایجنسی میں کام کرکے کمائے تھے۔ بھارت میں غیر ملکیوں کے لیے زندگی گزارنا بہت مشکل ہے، یہاں لوگ آپ کے پیسے لے لیتے ہیں لیکن میں نے سوچا بڑا کام کرنے کے لیے قربانیاں دینی پڑتی ہیں۔

صرف یہی نہیں نورا نے بھارت میں رہنے کے لیے بہت مشکلات جھیلی ہیں جن کا ذکر کرتے ہوئے ان کا کہنا تھا کہ وہ ایک اپارٹمنٹ میں 8 لڑکیوں کے ساتھ رہتی تھیں جہاں ایک لڑکی نے ان کا پاسپورٹ چوری کرلیا۔ اتنا سب برداشت کرنے کے بعد میرا بھارت میں رہنا بہت مشکل ہوگیاتھا اور کچھ وقت کے لیے میں بھارت چھوڑ کر کینیڈا چلی گئی تھی۔

Google Analytics Alternative