- الإعلانات -

ڈاکٹر طاہر القادری کا دھرنے سے پہلے ایک ویڈیو بیان جاری

لاہور: پاکستان عوامی تحریک کے سربراہ طاہر القادری نے دھرنے سے پہلے ویڈیو پیغام جاری کر دیا ہے جس میں کہا گیا ہے کہ آج کے دھرنے کے دورانئے کا انحصار حکومت کے رویئے پر ہو گا۔ طاہر القادری نے کہا ہے کہ کہیں بھی تشدد کیا گیا تو دھرنا غیرمعینہ مدت کے لئے طویل ہو سکتا ہے۔ انہوں نے مزید کہا کہ مختلف علاقوں سے معمولی شکاتیں ملی ہیں۔ سربراہ عوامی تحریک نے دھرنے کے شرکاء کے نام اپنے پیغام میں کہا کہ شرکاء صفائی اور نظم و ضبط کا خاص خیال رکھیں، گندگی کسی صورت میں نہیں ہونی چاہئے اور دھرنا مثالی ہونا چاہئے۔ دوسری جانب، سانحہ ماڈل ٹاؤن میں شہید افراد کی دوسری برسی کے موقع پر لاہور میں مال روڈ پر عوامی تحریک کا دھرنا بھی جاری ہے۔