- الإعلانات -

پاک چین افواج کے درمیان تعاون بڑھانے پر اتفاق

راولپنڈی: پاکستان اور چین نے دونوں ممالک کی مسلح افواج کے درمیان تعاون مزید بڑھانے پر اتفاق کیا ہے ۔آئی ایس پی آر کے مطابق چیئرمین جوائنٹ چیفس آف سٹاف کمیٹی جنرل راشد محمود سے چین کی وزارت قومی دفاع کے دفتر خارجہ امور کے ڈائریکٹر جنرل ریئر ایڈمرل گوان ژو فی نے ملاقات کی ۔ جوائنٹ سٹاف ہیڈ کوارٹرز راولپنڈی میں ہونیوالی ملاقات کے دوران باہمی دلچسپی کے امور بالخصوص خطے کی جیو سٹریٹجک صورتحال اور سکیورٹی چیلنجز پر تبادلہ خیال کیا گیا ۔ ملاقات میں پاکستان اور چین کی مسلح افواج کے درمیان تعاون کو مزید بڑھانے پر اتفاق کیا گیا ۔