- الإعلانات -

انڈونیشیا: پاکستانی سمیت 16 افراد کی سزائے موت کی تیاری

جکارتہ: انڈونیشیا میں ایک پاکستانی سمیت 16 افراد کو سزائے موت دینے کی تیاریاں مکمل کرلی گئی ہیں۔

برطانوی خبر رساں ایجنسی رائٹرز کی رپورٹ کے مطابق جکارتہ میں پاکستانی سفارتخانے میں تعینات ناظم الامور سید زاہد رضا نے بتایا کہ منشیات اسمگلنگ کے الزام میں جمعہ 29 جولائی کو پاکستانی شہری ذوالفقار علی کی سزائے موت پر عمل درآمد کردیا جائے گا۔

انہوں نے بتایا کہ اٹارنی جنرل کے دفتر نے پاکستانی سفارتخانے کے حکام کو ملاقات کے لیے بلایا تھا اور اس دوران انہوں نے آگاہ کیا کہ سزائے موت پر عمل درآمد جمعے کے روز کیا جائے گا۔

قیدیوں کو سزائے موت وسطی جاوا کے جزیرے نوساکا بنگن کی جیل میں دی جائے گی۔