- الإعلانات -

کشیدگی برقرار, دونو ممالک تحمل اور برداشت سے کام لیں‘

پاکستانی فوج کے مطابق لائن آف کنٹرول کے بھمبر سیکٹر پر انڈین فوج نے منگل کو بلااشتعال فائرنگ کی جس پر پاکستان نے جوابی کارروائی کی جبکہ اسلام آباد میں قومی سلامتی کمیٹی کا اجلاس منعقد ہو رہا ہے۔

ادھر امریکہ کا کہنا ہے کہ وہ پاکستان اور انڈیا سے کشیدگی کم کرنے کے لیے بات چیت کر رہا ہے۔

پیر کو پاکستان کے وزیراعظم میاں محمد نواز شریف کی زیرِ صدارت پارلیمانی جماعتوں کے اجلاس میں شریک رہنماؤں نے مسئلہ کشمیر پر حکومت کا ساتھ دینے اور مشترکہ کوششیں کرنے پر اتفاق کیا تھا جبکہ آج قومی سلامتی کمیٹی کا اجلاس منعقد ہوگا۔

 

امریکی محکمہ خارجہ کے ترجمان نے اپنی بریفنگ کے دوران کہا کہ وہ لائن اف کنٹرول پر پیش آنے والے واقعات کی رپورٹس پر تو کچھ نہیں کہیں گے تاہم وہ پاکستان اور انڈیا دونوں کو تحمل اور برداشت سے کام لینے پر زور دیتے ہیں۔

انھوں نے سرجیکل سٹرائکس کے انڈین دعوؤں اور پاکستانی فوج کی جانب سے دیے جانے والے بیانات پر تبصرہ کرنے سے گزیز کیا۔

ان کا کہنا تھا کہ ہم یقین رکھتے ہیں کہ کشیدگی کو کم کرنے کے لیے مسلسل بات چیت ضروری ہے