- الإعلانات -

اٹلی میں تین ماہ میں آنے والے چوتھے زلزلے کے بعد عوام خوف زدہ

وسطی اٹلی میں تین ماہ میں آنے والے چوتھے زلزلے کے بعد عوام خوف زدہ ہیں اور ہزاروں افراد نے خیموں، گاڑیوں، یا عارضی نوعیت کی رہائشی گاہوں میں رات بسر کی ہے۔

یاد رہے کہ اتوار کو اٹلی کے وسطی شہر نورسیہ کے قریب زلزلے کے شدید جھٹکے محسوس کیے گئے تھے جس سے متعدد عمارتوں کو نقصان پہنچا تھا اور اس زلزلے میں کم سے کم 20 افراد زخمی ہوئے تھے۔

اس سے پہلے اگست میں اٹلی میں آنے والے زلزلے کے نتیجے میں کئی قصبے تباہ ہو گئے تھے اور 300 سے زیادہ افراد ہلاک ہوئے تھے۔

اتوار کے روز آئے اس زلزلے کی ریکٹر سکیل پر شدت 6.6 بتائی گئی ہے جو کہ اگست میں آنے والے زلزلے سے زیادہ تیز ہے۔

ابھی تک اس زلزلے کی وجہ سے اب تک 20 افراد کے زخمی ہونے کی اطلاع موصول ہوئی ہے۔