- الإعلانات -

ترکی: پارلیمنٹ میں لڑنے والی دو خواتین زخمی، اسپتال پہنچ گئیں

پارلیمنٹ میں خواتین ارکان ایک دوسرے پر ٹوٹ پڑیں، 2 خواتین کو اسٹریچر پر ڈال کر اسپتال لے جانا پڑ گیا۔

دنیا بھر کی مختلف پارلیمنٹ میں اراکین کے گتھم گتھا ہو نے کے کئی واقعات سامنے آتے رہتے ہیں لیکن گزشتہ روز ترکی میں خواتین اراکین پارلیمان کے درمیان ایسا دنگل سجا کہ 2 خواتین کو اسٹریچر پر ڈال کر اسپتال لے جانا پڑ گیا۔

میڈیا رپورٹس کے مطابق ترک پارلیمنٹ میں صدارتی اختیارات میں اصلاحاتی منصوبے پربحث جاری تھی کہ دورانِ اجلاس حکومتی اور اپوزیشن خواتین اراکینِ پارلیمنٹ کے درمیان ہونے والا بحث و مباحثہ تصادم کی صورت اختیار کر گیا جس کی وجہ سے دو اراکین پارلیمنٹ زخمی ہوگئیں ،جنہیں اسپتال لے جا کر طبی امداد دی گئی۔