- الإعلانات -

ونڈوز 10 سے ‘جاسوسی’ کا انکشاف

لندن:مائیکروسوفٹ کا کہنا ہے کہ ونڈوز 10 کی جانب سے آپ کی ڈیوائس کی جاسوسی کو وہ خود بھی نہیں روک سکتے۔
کچھ ہفتہ قبل مائیکروسوفٹ کی ایک ‘غلطی’ کے باعث دنیا بھر میں ونڈوز 7 کے صارفین نے ونڈوز 10 کی اپڈیٹس ڈاون لوڈ کرلی تھیں۔
بعدازاں مائیکروسوفٹ کی جانب سے یہ اعلان کیا گیا کہ ونڈوز 10 تک ان گریڈ آئندہ سال سے ‘آپشنل’ سے ہٹاکر ‘مجوزہ’ کیٹیگری میں شامل کردیا جائے گا۔
اس کا مطلب یہ ہوا کہ اگر آپ ونڈوز 7 یا ونڈوز 8 یا 8.1 کے صارف ہیں تو شاید آپ کی مرضی کے برعکس ہی ونڈوز 10 ڈاو¿ن لوڈ ہوجائے گی۔
پی سی ورلڈ سے بات چیت کرتے ہوئے مائیکروسوفٹ کے کارپوریٹ نائب صدر جو بیلفیور نے وضاحت کرتے ہوئے کہا کہ ونڈوز 10 لگاتار اپنی کارکردگی پر نظر رکھتی ہے اور یہ صارف کی معلومات مائیکروسافٹ کو بھی فراہم کرتی۔
انہوں نے تصدیق کی کہ صارف کے پاس کچھ آپشنز کو بند کرنے کا اختیار ہوتا ہے تاہم بنیادی معلومات کی کلیکشن کو روکا نہیں جاسکتا۔
انہوں نے کہا کہ جہاں ہم نے آپشن نہیں دیا اس کی وجہ یہ ہے کہ ہم سسٹم کی صحت کو بہتر رکھنا چاہتے ہیں۔
انہوں نے کہا کہ یہ مسئلہ پرائیوسی کا نہیں، یہ صارف کے تجربہ کو بہتر بنانے کے لیے کیا گیا ہے۔
مائیکروسافٹ کی جانب سے نیا آپریٹنگ سسٹم ونڈوز 10 کل یعنی 29 جولائی کو متعارف کرایا جارہا ہے جسے بیشتر صارفین مفت بیشتر اپ گریڈ کرسکیں گے اور اس میں متعدد نئے فیچرز متعارف کرائے جارہے ہیں جن کو نظر انداز کرنا مشکل ہے۔
مائیکرو سافٹ کے مطابق ونڈوز 10 ٹیبلیٹس، ڈیسک ٹاپ کمپیوٹرز اور دیگر ڈیوائسز پر یکساں انداز میں کام کرنے کی صلاحیت رکھتی ہے۔
اس نئے سسٹم کے چند بہترین فیچرز کے بارے میں جاننا دلچسپی سے خالی نہیں ہوگا۔
۱:اسٹارٹ مینیو
بظاہر تو یہ ایک چھوٹی سی چیز ہے مگر ونڈوز 8 میں مائیکروسافٹ نے اسٹارٹ اسکرین سے اسٹارٹ مینیو ہٹا دیا ہے جس نے صارفین کو مشتعل کردیا تھا اور ان کی جانب سے شدید تنقید سامنے آئی تھی۔ اب ونڈوز 10 میں اسٹارٹ مینیو کی زبردست انداز سے واپسی ہوئی ہے تاہم کچھ تبدیلیاں بھی کی گئی ہیں۔ اپلیکشنز کھولنے کے لیے لائیو ٹائلز ایمبیڈڈ کالم کی شکل میں ظاہر ہوں گی جبکہ ایک ایمبیڈڈ سرچ بار کم استعمال ہونے والی اپلیکشنز کو تلاش کرنا آسان بنادے گی۔
۲:کورٹانا
مائیکروسافٹ کا پرسنل ڈیجیٹل اسسٹنٹ ان صارفین کے لیے کافی مانوس ہوگا جو ایپل کے سری یا گوگل نا? کو استعمال کرتے رہتے ہیں مگر اس میں ایک اہم اور بڑا فرق موجود ہے۔ کورٹانا آپ کے ڈیسک ٹاپ کمپیوٹر پر کام کرتا ہے اور اس کے باعث آپ اپنے ہارڈ ڈرائیو سے لے کر ویب کلا?ڈ اور انٹرنیٹ پر کچھ بھی تلاش کرسکتے ہیں۔
۳:مائیکروسافٹ ایج
مائیکروسافٹ نے آخرکار انٹرنیٹ ایکسپلورر کو الوداع کہہ کر اس کی جگہ نیا ویب برا?زر مائیکروسافٹ ایج ونڈوز 10 کا حصہ بنایا ہے اور یہ گرافک رینڈرنگ برائزور ہے جو ویب پیجز کو انٹرنیٹ ایکسپلورر کے مقابلے میں زیادہ تیزرفتاری سے کھولے گا۔ بنگ پ سرچ اس کی ایڈریس بار میں بلٹ ان ہے جس سے آپ کچھ بھی ٹائپ کرکے ویب پر سرچ کرسکتے ہیں جبکہ ایڈریس بار کے نیچے موسم کی پیشگوئی خودکار طور پر ظاہر ہوجائے گی۔ اس کے علاوہ اور بھی بہت کچھ ایسا ہے جو گوگل کروم کے لیے خطرہ بن سکتا ہے۔
۳:کونٹینم
ونڈوز 10 خودکار طور پر کسی بھی ڈیوائس کے اسکرین سائز کو جان کر ڈسپلے کو اس کے مطابق کردے گی اور اس اسکرین سینسنگ فیچر کو کونٹینم کا نام دیا گیا۔ یہ اسمارٹ فون سے کسی بڑی اسکرین پر کسی چیز کو دکھانے پر یہ خودبخود ڈیسک ٹاپ موڈ پر منتقل کردے گی یعنی آپ کا فون ہی پی سی جیسے تجربے کی پیشکش کرے گا۔
ونڈوز 10 تمام ڈیوائسز کے لیے یکساں
فونز اور ٹیبلیٹس کے لیے یہ نیا آپریٹنگ سسٹم ڈیسک ٹاپ کمپیوٹرز جیسا ہی ہوگا اور اس میں نوٹیفکیشنز اور سیٹنگ مینیو کو بھی پہلے سے بہتر کیا گیا ہے اور موبائلز کے لیے ونڈوز 10 کی سب سے اچھی چیز اسکائپ سے جڑنا ہے کیونکہ یہ وڈیو چیٹ سافٹ ویئر فون ایپ اور میسجز دونوں میں موجود ہوگا۔
۴:بہتر ایکس باکس اپلیکشن
مائیکرو سافٹ نے ونڈوز 10 میں ایکس باکس کے لیے حقیقی سوشل نیٹ ورک تشکیل دینے کی کوشش کی ہے جس میں کئی سروسز کو شامل کیا گیا ہے۔ گیمنگ کے لحاظ سے یہ بالکل فیس بک کی طرح ہے مگر یہاں تصاویر شیئر کرنے کی بجائے گیمز پر ہی توجہ دی جاسکے گی۔
۵:ونڈوز ہولوگرافک
مائیکروسافٹ کی خواہش ہے کہ ہولوگرام صارفین کے ذہنوں پر چھا جائے جیسے وہ مریخ پر جانا چاہتے ہیں یا اپنے ملک کی سیر کرنا چاہتے ہیں ؟ ونڈوز ہولوگرافک فیچر کے ذریعے آپ یہ سب کرسکتے ہیں جو اس نئے آپریٹنگ سسٹم کی ایک بہت بڑی خوبی ہے۔