- الإعلانات -

حمادائرپورٹ کی چھتیں ٹپک پڑیں ،اربوں ڈالرکا نقصان

پاکستان میں تومنصوبوں کی تیاری کے دوران یامکمل ہونے پربارشوں سے چھتیں ٹپکنے کی خبریں عام ہیں جیساکہ گزشتہ کچھ ماہ پہلے راولپنڈی میڑوبس کی چھتیں بھی شدید بارشو ںکے باعث ٹپک پڑی تھیں لیکن اب یہ معاملہ عرب ریاستوں تک بھی جاپہنچاہے۔ قطر نے حال ہی میں جو 15ارب ڈالر(تقریباً15کھرب روپے) کی لاگت سے دوحہ میں نیا ”حماد انٹرنیشنل ایئرپورٹ“ تعمیر کرایا تھا اس کی بھی چھت ٹپکنے لگی ہے۔ اور وہ کہتے ہیں ناں کہ بعض اوقات چھوٹی سی غلطی بھی انسان کو بڑے نقصان اور شرمندگی سے دوچار کر دیتی ہے، اس چھوٹی سی غلطی کے باعث قطر کو بھی ایسی ہی صورتحال کا سامنا کرنا پڑ رہا ہے۔ حماد انٹرنیشنل ایئرپورٹ دنیا کے 10بہترین ایئرپورٹس کی فہرست میں شامل تھا اور حال ہی میں اس نے دنیا کے بہترین ایئرپورٹ کا ایوارڈ بھی جیتا تھا مگر انتظامیہ کی معمولی غفلت کے باعث جہاں قطر کی دنیا بھر میں سبکی ہو رہی ہے وہیں اسے اربوں کا نقصان بھی برداشت کرنا پڑ سکتا ہے۔چھت ٹپکنے سے ایئرپورٹ پر موجود کئی افراد گیلے ہو گئے اور فرش پر پانی کے جوہڑبن گئے۔ وہاں موجود لوگوں نے اس واقعے کی تصاویر بنا کر سوشل میڈیا پر شیئر کر دیں جو آن کی آن میں دنیا بھر میں پھیل گئیں۔ ایئرپورٹ پر موجود ان لوگوں نے باقی مسافروں کو خبردار کر دیا کہ حماد انٹرنیشنل ایئرپورٹ سفر کرنے کے قابل نہیں اس لیے وہ یہاں مت آئیں۔