- الإعلانات -

القاعدہ نے سعودی عرب کوبڑی دھمکی دے دی

صنعا:القاعدہ نے سعودی عرب کوبڑی دھمکی دے کرعرب ممالک میں ہلچل مچادی۔کالعدم تنظیم القاعدہ نے ممکنہ طورپر درجنوں جنگجوں کے سرقلم کرنے کے منصوبے پر عمل درآمد ہونے پر سعودی عرب کو سنگین نتائج کی دھمکی دیدی۔البوابہ نیوز نے برطانوی خبررساں ادارے رائیٹرز کے حوالے سے بتایاکہ یمن میں القاعدہ کی شاخ نے سعودی حکومت کو سوشل میڈیا کے ذریعے ممکنہ طورپر بڑے پیمانے پر ہونیوالی سزاوں پر سنگین نتائج کی دھمکی دی ہے۔ گزشتہ ہفتے سعودی عرب میں اطلاعات تھیں کہ سعودی حکام نے شدت پسندی کے الزام میں القاعدہ اراکین سمیت 50سے زائد لوگوں کی سزائے موت پر عمل درآمد کافیصلہ کیاہے جس پر القاعدہ نے جوابی کارروائی کی دھمکی دی۔ مائیکروبلاگنگ ویب سائٹ ٹوئیٹر پر القاعدہ نے کہاکہ’اللہ کی قسم ، ہمارے قیدیوں کا خون بہنے سے قبل ہمارا خون بہہ جائے گااور قیدیوں کا خون خشک ہونے سے قبل السعود کے فوجیوں کو خون میں نہلادیں گے، ہم زندگی سے تب تک لطف اندوزنہیں ہوں گے تب تک کہ السعودحکمرانوں کی گردنیں اڑادیں گے۔القاعدہ کی اس سنگین دھمکی کے بعد سعودی حکومت نے ملک بھرمیں سیکورٹی اداروں کومتحرک کردیاہے اورسوشل میڈیاپرکی سخت نگرانی کی جارہی ہے۔