- الإعلانات -

عام چیزوں سے جسمانی تکالیف کا علاج

کیا آپ کے پیر میں درد ہورہا ہے ؟ یا ناک سے خون بہہ رہا ہے یا جوتوں کے نتیجے میں پیر چھل گیا ہے؟ تو فکر مت کریں اپنے ارگرد دیکھیں اور درد پر قابو پالیں۔

جی ہاں روزمرہ کی تکالیف اور درد پر آپ ایسی چند معمولی اشیاءسے قابو پاسکتے ہیں جن کا آپ نے کبھی تصور بھی نہیں کیا ہوگا۔

پیر کے درد سے ریلیف

کیا آپ کا نیا جوتا بہت ٹائٹ تھا؟ آپ بہت زیادہ چلے ہیں یا لمبی قطار میں کافی وقت تک کھڑے رہے؟ ایسا ہونے کے باعث پیر میں درد ہورہا ہے تو اس کا حل ایک سادہ سی ورزش میں چھپا ہے۔ چند پینسلوں کو فرش پر رکھیں اور انہیں پیروں کے انگلیوں سے اٹھالیں، پھر اپنے پیر کو آگے کی جانب پھیلا لیں، آپ کو درد میں کمی محسوس ہوگی۔

ناک سے نکلنے والے خون پر قابو پانا

اگر تو کبھی نکسیر پھوٹ جائے یا کسی وج ہسے ناک سے خون نکلنا شروع ہوجائے تو اسے روکنے کے لیے اپنے سر کو سامنے کی جانب جھکائیں اور کپڑے ٹانگنے والی چٹخنی جسے کلاتھ اسپن بھی کہا جاتا ہے، کو استعمال کرتے ہوئے اپنی ناک کو 10 منٹ کے لیے بند کردیں۔ خون کا بہاﺅ جلد تھم جائے گا۔

جوتوں سے پیر چھل گیا ہے ؟

جوتوں کے نتیجے میں کئی بار پیر کا پچھلا حصہ چھل جاتا ہے اور چلنا بہت مشکل ہوجاتا ہے، اس کے علاج کے لیے اکثر لوگ بینڈیج لگا لیتے ہیں مگر اس سے درد بدترین ہوجاتا ہے۔ اس کا علاج ڈکٹ ٹیپ میں چھپا ہے جس کی چوڑی پٹی سے اپنے جوتے کے پچھلے حصے کو کور کریں اور پھر آرام سے گھومیں۔

کٹ کا علاج

اگر جھری وغیرہ سے معمولی کٹ لگ گیا ہے تو اسے ٹھیک کرنے کے لیے اسے خشک رکھنا ضروری ہوتا ہے مگر دن بھر پانی سے بچانا لگ بھگ ناممکن ہوتا ہے تاہم ایسا ہونے پر آپ ایک غبارے سے مدد لے سکتے ہیں۔ بغیر پھولے غبارے کو اپنی متاثرہ انگلی پر لپیٹ لیں اور پھر آرام سے اپنے روزمرہ کے کام کریں۔

انگلی ٹوٹنے پر کیا کریں ؟

اگر کسی وجہ سے آپ کی انگلی ٹوٹ جائیں تو ڈاکٹر کے پاس جانا تو ضروری ہے، مگر طبی مرکز تک پہنچنے سے قبل اپنی متاثرہ انگلی کو مزید نقصان سے بچانے کے لیے آئسکریم کھانے کے لیے استعمال ہونے والی اسٹک کا استعمال کریں اور اسے متاثرہ انگلی پر رکھ کر اس کے اوپر پٹی سے باندھ لیں۔

ہاتھ میں پھنسی پھانس یا لکڑی کے ریشے کو نکالیں

اگر تو آج کی کھال میں لکڑی کا ریشہ پھنس جائے تو آپ اسے سوئی کے بغیر بھی نکال سکتے ہیں۔ بس ٹیپ کے ایک ٹکڑے کو متاثرہ جگہ پر لگائیں اور پھر اپنی انگلی سے اس وقت تک ٹیپ کو رگڑیں جب تک وہ پھانس سے ٹکرا نہ جائے۔ اب ٹیپ کو اتار لیں امکان ہے کہ ریشہ بھی اس کے ساتھ باہر آجائے گا۔

سردرد کا علاج

اگر سر میں درد ہو تو ایک بڑے سوتی رومال کو اپنے سر پر اتنی مضبوطی سے باندھ لیں کہ آپ کو سر پر دباﺅ محسوس ہو۔ یہ رومال سر کی جانب آنے والے خون کے بہاﺅ کو کم کردے گا اور اس سے سردرد میں بھی کمی آجائے گی۔