- الإعلانات -

وٹامن ڈی کی کمی کو لازمی پورا کریں، وٹامن ڈی کی کمی امراض قلب

اگرچہ ماہرین ایک عرصے سے خبردار کررہے ہیں کہ وٹامن ڈی کی کمی امراض قلب کی وجہ بن سکتی ہے لیکن اب تحقیق میں سامنے آیا ہے کہ وٹامن ڈی کی ایک خاص حد تک کمی کے سے دل کے دورے کا خطرہ بڑھ سکتا ہے۔امریکی ریاست یوٹاہ کے شہرسالٹ لیک سٹی میں واقع انٹرماو¿نٹین میڈیکل سینٹر ہرٹ انسٹی ٹیوٹ کے مطابق دل کے ایسے مریضوں کو خبرداررہنا چاہیئے جن میں وٹامن ڈی 15 نینوگرام فی ملی لیٹر سے کم ہو۔ امریکا میں منعقدہ امراض قلب کی ایک کانفرنس میں تحقیق پیش کرتے ہوئے ماہرین نے کہا کہ جن افراد کے جسم میں وٹامن ڈی کی کمی 15 نینوگرام فی ملی لیٹر سے کم ہو ان میں امراضِ قلب سے متاثر ہونے کا خطرہ 35 فیصد تک بڑھ جاتا ہے اور امریکا میں 10 میں سے ایک شخص میں وٹامن ڈی کی شرح اس حد تک کم نوٹ کی گئی ہے جب کہ پاکستانی خواتین میں بھی وٹامن ڈی کی شدید کمی ثابت ہوچکی ہے۔ماہرین کا کہنا ہے کہ وٹامن ڈی کی کمی کے شکار افراد کو روزانہ کم ازکم 15 منٹ دھوپ میں گزارنے چاہئیں اور وٹامن ڈی ڈیری پراڈکٹس، انڈے کی زردی اور مچھلیوں سے بھی حاصل کیاجاسکتا ہے۔