- الإعلانات -

موبائل فون ٹاورز دماغی کینسر کا باعث بن سکتا ہے۔

لندن: موبائل فون کے ٹاورز کے قریب رہنے والے لوگوں کی یاداشت، سر میں درد، ذہنی تناﺅدیگر لوگوں کی نسبت زیادہ ہوتاہے ۔ برطانیہ میں ہونیوالی ایک تحقیق کے مطابق موبائل فون کمپنیوں کے ٹاورز سے خطرناک شعاعیں نکلتی ہیں جو انسان کے دماغ پر انتہائی منفی اثرات مرتب کرتی ہیں،سب سے بڑھ کر یہ کہ انسان کے تولیدی نظام پر بھی خطرناک اثرات چھوڑتی ہیں۔ قبل ازیں موبائل فون کے متعلق کی گئی تحقیقا ت میں بھی یہ کہا گیا ہے کہ موبائل فون سے برقی مقناطیسی شعاعیں نکلتی ہیں، جو دو طرح سے صحت کو نقصان پہنچاتی ہیں، تھرمل اور نان تھرمل یعنی حرارت اور حرارت کے بغیر انسانی صحت کو متاثر کرتی ہیں۔ تھرمل اثرات کا جائزہ ایسی صورت میں باآسانی لیا جا سکتا ہے جب کچھ دیر تک مسلسل موبائل فون آپ کے کان سے لگا رہے۔ ایسی حالت میں کان پر پسینہ آجاتا ہے جو اس کابات کا واضح ثبوت ہے کہ موبائل فون تھرمل اثرات مرتب کر رہا ہے۔ نان تھرمل کے اثرات براہ راست انسانی خلیوں، جینز اور ڈی این اے پر پڑتے ہیں اور یہ قسم ہی انسان کے لئے زیادہ خطرناک ہے۔ موبائل فون کا حد سے زیادہ استعمال سردرد، نیند میں خرابی، یاداشت کی کمزوری جیسے مسائل پیدا کرنے کے علاوہ دماغی کینسر تک کا باعث بن سکتا ہے۔