- الإعلانات -

کولگیٹ ٹوٹل ٹوتھ پیسٹ میں ایسے کیمیکل جو کینسر پیدا کر سکتے ہیں ۔

نیویارک: مسوڑھوں کی بیماریوں سے تحفظ فراہم کرنے کی دعوے دارکولگیٹ ٹوٹل ٹوتھ پیسٹ میں ایسے کیمیکل کا انکشاف ہوا ہے جو کینسر پیدا کرنے کا سبب بن سکتے ہیں ۔ یہ انکشاف ایک مقدمے کے نتیجے میں کولگیٹ کمپنی کی طرف سے سامنے آنیوالی دستاویزات میں ہوا۔ کمپنی کا موقف تھا کہ ٹرائی کلوسان نامی کیمیکل کو 1997ءمیں امریکی فوڈ اینڈ ڈرگ ایڈمنسٹریشن سے منظور کروایا گیا تھا۔ امریکی ادارے ایف ڈی اے کی جاری کردہ رپورٹ سے انکشاف ہوا کہ ادارے نے مذکورہ کیمیکل کے کینسر سے تعلق پر تحفظات کا اظہار کیا تھا لیکن کولگیٹ کمپنی نے یہ کہہ کر اسے منظور کروا لیا کہ صرف اس کی بھاری مقدار ہی کینسر کا خطرہ پیدا کر سکتی ہے۔ یہ بات بھی سامنے آئی ہے کہ کمپنی کے موقف کی بنیاد صرف اس کی اپنی تحقیق پر ہی تھی۔ اب متعدد تحقیقات سے یہ بات سامنے آ چکی ہے کہ ٹراءیکلوسن کینسر کا خطرہ پیدا کرتی ہے اور اس کی وجہ سے بچوں کی قبل از وقت پیدائش اور ہڈیوں کی نامکمل نمو کے مسائل بھی پیدا ہوتے ہیں جبکہ اس کی وجہ سے تولیدی صحت اور سپرم کی تعداد میں کمی کے شواہد بھی سامنے آ چکے ہیں۔ کولگیٹ کا کہنا ہے کہ ایف ڈی اے کی رپورٹ یہ ثابت نہیں کرتی کہ یہ کیمیکل انسانی صحت کیلئے خطرناک ہے ۔