- الإعلانات -

پی جی ٹرینی ڈاکٹروں کو 70 ہزار روپے ماہانہ تنخواہ دینے کی سمری منظور

لاہور : وزیر اعلیٰ پنجاب میاں محمد شہباز شریف نے بغیر تنخواہ کام کرنے والے 900 سے زائد پی جی ٹرینی ڈاکٹروں کو فوری طور پر 70 ہزار روپے سے زائد ماہانہ تنخواہ دینے کی سمری منظور کرلی۔

وزیر اعلیٰ پنجاب نے سیکرٹری سپیشلائزڈ ہیلتھ کیئر نجم احمد شاہ کو ہدایت کی ہے کہ تمام ہسپتالوں میں پی جی ٹرینی ڈاکٹرز کو فوری طور پر تنخواہ ادا کرنے کا عمل شروع کیا جائے۔

اس وقت پنجاب میں 900 سے زائد پی جی ٹرینی ڈاکٹر ہسپتالوں میں خدمات انجام دے رہے ہیں۔ محکمہ سپیشلائزڈ ہیلتھ کیئر نے اس حوالے سے حکم جاری کر دیا۔