- الإعلانات -

دیہی علاقوں کے نومولود بچوں میں غذائی قلت کی خراب صورتحال

ذرائع محکمہ صحت کے مطابق اندرون سندھ دیہی علاقوں میں نولومود بچوں میں غذائی قلت کے صورتحال میں کوئی کمی نہ آسکی۔

پی پی ایچ آئی کے ذرائع کے مطابق صرف میرپورخاص ضلع کے مراکز صحت میں ہر ماہ چار ہزار سے زائد غذائی قلت کا شکار بچے لائے جارہے ہیں – تاہم طبی ماہرین غربت کے علاوہ بھی اس کا ایک اور بڑا سبب بتاتے ہیں ۔

شعبہ اطفال سول اسپتال کے انچارج ، ڈاکٹر غلام رسول نے کہا ہے کہ ماؤں کا بچوں کو ڈبہ بند دودھ پلانے کے رحجان میں اضافہ بھی بڑا سبب ہے۔ ہر ماہ چالیس سے پچاس غذائی قلت کا شکار نومولود بچوں کو پیچیدگیوں کے باعث داخل کیا جارہا ہے۔ مائیں بچوں کو اپنا دودھ پلائیں تو بچوں میںغذائی قلت کے مسائل پر قابو پایا جاسکتا ہے۔

شعبہ اطفال کےانچارج کا کہنا ہے کہ غذائی قلت کے باعث بچوں میں دیگر طبی پیچیدگیاں بھی پیدا ہوجاتی ہیں –