- الإعلانات -

عباسی شہید اسپتال میں صفائی کا ناقص نظام، میڈیکل سپرنٹنڈنٹ معطل

میئر کراچی اچانک عباسی شہید اسپتال پہنچے اور اسپتال میں گندگی اور کچرے کے ڈھیردیکھ کر شدید برہمی کا اظہار کیا جبکہ عباسی شہید اسپتال میں داخل مریضوں کی عیادت کے دوران مریضوں نے میئر کراچی وسیم اختر کے سامنے شکایات کے انبار لگا دیئے جس پر میئر کراچی نے کہا کہ بہت ہوچکا اب ناقابل برداشت ہوگیا ہے۔

انہوں نے ہدایت کی کہ یورولوجی وارڈ میں ایئرکنڈیشنڈ کی مرمت کا کام جلد شروع ہوجانا چاہیے، عباسی شہید اسپتال کے شعبہ حادثات کو 24گھنٹے فعال رکھا جائے۔

دریں اثناء میئر کراچی نے اس دوران کراچی میڈیکل اینڈ ڈینٹل کالج اور کڈنی سینٹرنارتھ ناظم آباد کا بھی دورہ کیا۔