- الإعلانات -

دہی کے فوائد

اسلام آباد: حالیہ تحقیق میں دہی سے ملنے والے فوائد کو نمایاں کیا جارہا ہے جبکہ تجویز دی جاتی ہے کہ گرمی سے بچنے کے لیے اس ‘سپر فوڈ’ کو روزانہ استعمال کرنا چاہیے۔ماہرین غذائیت (نیوٹریشنسٹ) کا کہنا ہے کہ کیفین اور کاربونیٹڈ انرجی ڈرنکس کے بجائے گرمی سے بچنے کے لیے دہی کا استعمال کیا جائے یا پھر اگر آپ کا شمار ان لوگوں میں ہوتا ہے جن کی بھوک گرم موسم میں کم ہوجاتی ہے تو دہی آپ کا مسئلہ حل کرسکتا ہے۔دہی میں صحت کے لیے مفید بیکٹیریا شامل ہوتے ہیں جس کے باعث یہ صحت کے لیے اتنا مفید ہے۔ اس سے ہاضمے میں مدد ملتی ہے جبکہ دست میں بھی آرام فراہم کرتا ہے جو زیادہ تر گرم موسم میں ہوتے ہیں۔اس کے علاوہ تازہ دہی کیلشیم سے بھرپور ہوتا ہے جو ہڈیوں، ناخنوں اور دانتوں کے لیے بہترین ہے جبکہ ٹینیسی یونیورسٹی کی ایک ریسرچ میں کیلشیم کی کمی کو موٹاپے سے منسلک کیا گیا ہے۔اس کے علاوہ وٹامن بی12 کی دہی میں موجودگی سے چوکس اور فوکس رہنے میں مدد ملتی ہے اور آپ کے جسم میں پانی کی کمی بھی نہیں ہوتی۔اس کے علاوہ دہی اور ایلو ویرہ کے ماسک کو بالوں اور چہرے پر لگانے سے آپ کی گلابی رنگت اور بال چمقدار ہوجائیں گے۔