- الإعلانات -

اچھا ناشتہ کرنے سے بچوں کی اچھی کارکردگی

برطانوی ماہرین نے والدین کو مشورہ دیا ہے کہ بچوں سے سکول میں اچھی کارکردگی چاہتے ہیں تو انہیں اچھا ناشتہ کروائیں۔ شاید ہی دنیا میں کوئی والدین ہوں جنہیں اپنے لاڈلے سپوتوں سے پڑھائی کے میدان میں کچھ کر دکھانے کی امیدیں نہ وابستہ ہوں جس کے لئے والدین کچھ بھی کر گزرنے کو تیار ہو جاتے ہیں لیکن ماہرین نے تو اس کا نہایت ہی آسان حل پیش کر دیا ہے۔جی ہاں ایک برطانوی یونیورسٹی میں ہونے والی تحقیق کے نتائج میں یہ بات سامنے ائی ہے کہ غذائیت سے بھرپور ناشتہ بچوں کی ذہنی صلاحیتوں کو بڑھانے میں بھی معاون ثابت ہوتا ہے جو ان کی سکول میں کارکردگی پر بھی اثر انداز ہوتا ہے۔تحقیق کے دوران 9 سے 11سال کی عمر کے 5 ہزار بچوں کے روز مرہ معمولات کا جائزہ لیا گیا جس کے بعد ماہرین اس نتیجے پر پہنچے کہ جن بچوں کے والدین انہیں بہتر ناشتہ کروا کر بھیجتے ہیں ان بچوں کے اساتذہ ان کی کارکردگی سے خوش رہتے ہیں۔