- الإعلانات -

’سعودی عرب نے ہر مشکل گھڑی میں پاکستان کا ساتھ دیا‘گورنر پنجاب

گورنرپنجاب چودھری سرور نے کہا ہے کہ سعودی عرب اور پاکستان کے دیرینہ تعلقات ہیں، ریاض حکومت نے ہر مشکل کی گھڑی میں پاکستان کا ساتھ دیا۔ تفصیلات کے مطابق اپنے ایک بیان میں گورنرپنجاب کا کہنا تھا کہ لاک ڈائون میں نرمی سے یہ تاثر نہ لیا جائے کہ وبا پر قابو پالیا گیا، وبا تیزی سے پھیل رہی ہے، احتیاطی تدابیر پر عمل ضروری ہے۔انہوں نے خبردار کیا کہ وبا بے قابو ہوئی تو طبی نظام پر پڑنے والا بوجھ ناقابل برداشت ہوگا ڈاکٹروں کی تجاویز کو سنجیدہ لینا ہوگا، حکومت اپنے وسائل کروناوائرس کے خلاف استعمال کررہی ہے۔

خیال ہے کہ وبا کی اس مشکل گھڑی میں بھی سعودی عرب نے پاکستان کا ساتھ نہیں چھوڑا، حالیہ دنوں بھاری مالیت کا راشن پیکج صوبہ پنجاب کے حوالے کیا گیا جسے لاک ڈائون کے متاثرین اور مستحقین تک پہنچایا جارہا ہے۔

مذکورہ امدادی پیکج میںدیئے گئے ہر راشن کے بیگ میں 10 کلو آٹا، 5 کلو چینی، 5 کلو چاول، 5 لیٹرکوکنگ آئل، 2 کلو خشک دودھ، آدھا کلو چائے کی پتی اور 2 کلو کھجوریں شامل ہیں۔امدادی سامان کی مالیت تقریباً 16 کروڑ 61 لاکھ ہے، راشن حکومت پنجاب کے تعاون سے لاہور سمیت پنجاب کے 10 اضلاع میں تقسیم کیا جارہا ہے، انتظامیہ نے امید ظاہر کی ہے کہ تقسیم کا مرحلہ جلد مکمل کرلیا جائے گا۔