- الإعلانات -

میئر اسلام آباد کی معطلی کا حکم نامہ معطل، شیخ انصر کو کام کی اجازت مل گئی

اسلام آباد ہائیکورٹ نے میئر اسلام آباد کی معطلی کے حکم نامے کو معطل کرتے ہوئے شیخ انصر عزیز کو بطور میئر وفاقی دارالحکومت کام کرنے کی اجازت دیدی۔

وفاقی کابینہ کی منظوری کے بعد حکومت نے شیخ انصر عزیز کو انٹر سٹی بس پراجیکٹ میں کرپشن کے الزامات پر 90 روز کے لیے معطل کرنے کا حکم نامہ جاری کیا تھا۔

میئر اسلام آباد کی معطلی کا معاملہ، وفاق سمیت تمام فریقین کو نوٹسز جاری
میئر اسلام آباد شیخ انصر عزیز کو معطل کر دیا گیا
شیخ انصر عزیز نے اپنی معطلی کے فیصلے کو اسلام آباد ہائیکورٹ میں چیلنج کیا تھا جس پر عدالت نے متعلقہ حکام سے شیخ انصر کی معطلی سے متعلق تمام ریکارڈ طلب کیا تھا۔

اب اسلام آباد ہائیکورٹ نے میئر اسلام آباد کی معطلی کے حکم نامے کو معطل کرتے ہوئے شیخ انصر عزیز کو بطور میئر کام کرنے کی اجازت دیدی ہے۔