- الإعلانات -

بھارتیو! مت بھولنا تمہارے جشن تلے کشمیریوں کا خون ہے، مشعال ملک

اسلام آباد: کشمیری حریت رہنما یاسین ملک کی اہلیہ مشعال ملک کا کہنا ہے کہ ہندوستانیو یہ بات مت بھولنا کہ تمہارے اس جشن تلے کشمیریوں کا خون ہے۔

ہندوستان کے یوم آزادی پر پیغام میں مشعال ملک نے ہندوستان کے حکمرانوں و عوام کو مخاطب کرکے کہا کہ تم کیا جانو آزادی کیا ہے،تم نے کون سا خون بہا ہے، تم نے کونسا درد سہا ہے، تم نے کونسا گھر چھوڑا ہے، تم نے کونسی ہجرت کی ہے۔

مشعال ملک نے کہا ہے کہ ہندوستانیو یہ بات مت بھولنا کہ تمہارے اس جشن تلے کشمیریوں کا خون ہے، تم نے کشمیر کو کشمیریوں کا قبرستان بنا لیا ہے،کشمیریوں سے ان کے تمام حقوق چھین لئے ہیںان سے ان کے جینے کا حق، مرنے کا حق اور آزادی کا حق چھین لینا ہے، جب تک کشمیریوں کو ان کا حق نہیں دیا جاتا، ہندوستان کو جشن آزادی منانے کا کوئی حق نہیں۔