- الإعلانات -

سترہ جون، چودہ خون، کہاں ہے قانون؟عوامی تحریک کا پیغام

لاہور  سترہ جون، چودہ خون، کہاں ہے قانون؟؟؟ کے پیغام کے ساتھ پاکستان عوامی تحریک آج مال روڈ لاہور پر دھرنا دے گی اور شہدا ماڈل ٹاؤن کے ورثا کے لئےانصاف مانگے گی۔ دھرنے میں پاکستان عوامی  تحریک کے علاوہ چھے جماعتوں کے وفود شریک ہوں گے۔ دھرنے کے شرکا سے ڈاکٹر طاہر القادری مرکزی خطاب کریں  گے۔

پاکستان عوامی تحریک شہدا ماڈل ٹاون  کا انصاف لینے کے لیے آج پنجاب اسمبلی کے سامنے دھرنا  دے گی۔ شہدا ماڈل ٹائون کی دوسری برسی کے سلسلے میں حتمی تیاریاں جاری  ہیں۔ دھرنا افطار کے بعد شروع ہو گا جو سحری  تک جاری  رہے گا۔ دھرنے میں ملک بھر سے کارکن شرکت کریں گے جن میں خواتین اور بچے  بھی شامل ہوں گے۔ دھرنے کے شرکا سے مرکزی  خطاب ڈاکٹر  طاہر القادری کریں گے جن کے لئے بلٹ  پروف کنٹینر تیار کر لیا گیا ہے۔ ادھر ماڈل ٹاؤن میں جمعرات کو بھی مختلف سیاسی رہنماؤں  نے طاہر القادری سے ملاقات کی اور عوامی تحریک کا ساتھ دینے کا اعلان کیا۔

دھرنے میں تحریک انصاف کے علاوہ پاکستان پیپلزپارٹی، متحدہ قومی موومنٹ، جماعت اسلامی، مسلم لیگ ق اور عوامی مسلم لیگ کے وفود  شرکت کریں گے۔ مال روڈ دھرنے کی پولیس کے علاوہ عوامی تحریک کے رضاکار بھی نگرانی کریں گے۔