- الإعلانات -

بھارتی سکھ یاتری دس روزہ دورے کے بعد اپنے وطن روانہ ہو گئے

لاہور پاکستان میں مذہبی رسومات کی ادائیگی کے لیے آنے والے بھارتی سکھ یاتری دس روزہ دورے کے بعد اپنے وطن روانہ ہو گئے یاتریوں کا کہنا تھاکہ پاکستانیوں سے ملنے والی محبت  وہ زندگی بھر نہیں بھلا سکیں  گے۔ بھارت سے  آنے والے  ایک سو پچپن سکھ یاتریوں نے حسن ابدال،ننکانہ صاحب، پنجہ صاحب ،ایمن آباد اور لاہور میں اپنی  مذہبی رسومات ادا کیں،بھارت روانگی سے پہلے یاتریوں نے  کہا کہ پاکستان آکر انھیں ایک لمحے کے لیے محسوس نہیں ہوا کہ وہ  اپنے وطن میں نہیں ہیں وہ جہاں بھی گئے پاکستانیوں نے انھیں بھرپور محبت سے نوازا۔چئیرمین متروکہ وقف املاک بورڈ  صدیق الفاروق کا کہنا تھا کہ بھارتی سکھ یاتریوں کو ہمیشہ تمام  سہولیات فراہم کی جاتی ہیں اور یہ سلسلہ آئندہ بھی جاری رکھا جائے۔

بھارتی یاتریوں نے دونوں ممالک کی حکومت سے مطالبہ کیا کہ ویزہ پابندیوں کو آسان بنایا جائے تاکہ لوگ با آسانی مذہبی رسومات کی ادائیگی کے لیے آ جا سکیں