- الإعلانات -

ملتان زکریا یونیورسٹی کے زرعی اور انجینئرنگ کالجز مسلسل خسارے میں

گزشتہ برس زرعی کالج کا خسارہ 12کروڑ جبکہ انجینئرنگ کالج کا خسارہ 18کروڑ رہا

ملتان زکریا یونیورسٹی کے انجینئرنگ کالج اور زرعی کالج بدستور خسارے میں ، گزشتہ برس 31 کروڑ 44 لاکھ کا خسارہ رہا ذرائع کے مطابق زکریا یونیورسٹی کے انجینئرنگ اور زرعی کالج خسارے سے نہیں نکل سکے اور ان کے خسارے کی شرح میں بھی اضافہ ہوگیا گزشتہ برس زرعی کالج کا خسارہ 12 کروڑ،82 لاکھ جبکہ انجینئرنگ کالج کا خسارہ 18کروڑ 59لاکھ روپے رہا جس میں رواں برس اضافے کا امکان ہے ذرائع کا کہنا ہے کہ ان کالجز میں شام کی کلاسز ، سیلف فنانس کی سیٹیں ختم کرنے سے خسارے کا سامنا ہے کیوں کہ ان میں طلبا کی تعداد مقر ر ہوتی ہے اس لئے اضافی آمدنی ممکن نہیں