- الإعلانات -

اعتماد کا ووٹ: کھلاڑیوں اور شوبز شخصیات کی وزیراعظم کو مبارک باد

اعتماد کا ووٹ: کھلاڑیوں اور شوبز شخصیات کی وزیراعظم کو مبارک باد

اسلام آباد: قومی اسمبلی کے اراکین سے اعتماد کو ووٹ حاصل کرنے پر معروف کھلاڑیوں اور شوبز اداکاروں نے وزیراعظم عمران خان کو مبارک باد پیش کی ہے۔

واضح رہے کہ سینیٹ الیکشن میں اپ سیٹ کے بعد وزیراعظم عمران خان نے قومی اسمبلی کے اراکین سے اعتماد کا ووٹ حاصل کرنے کا اعلان کیا تھا۔

اس حوالے سے آج اسپیکر اسد قیصر کی زیرصدارت قومی اسمبلی کا اجلاس ہوا جس میں وفاقی وزیر خارجہ شاہ محمود قریشی نے اعتماد کے ووٹ کی قرار داد ایوان میں پیش کی۔

ایوان میں موجود 178 اراکین قومی اسمبلی نے وزیراعظم پر اعتماد کا اظہار کیا اور اُن کی پالیسیوں سے اتفاق کیا جبکہ ایک رکن قومی اسمبلی محسن داوڑ نے عدم اعتماد کا اظہار کیا۔

پاکستانی تاریخ میں یہ پہلا موقع ہے کہ خود کسی وزیراعظم نے ایوان سے اعتماد کا ووٹ حاصل کرنے کا اعلان کیا تھا۔ اپوزیشن جماعتوں نے اپنی ممکنہ شکست کے پیش نظر آج اجلاس میں شرکت نہیں کی۔

وزیراعظم کو ملنے والی تاریخی کامیابی پر پاکستانیوں نے مبارک باد پیش کی اور جشن بھی منایا۔ اس حوالے سے سماجی رابطے کی ویب سائٹ ٹویٹر پر ’وزیراعظم عمران خان‘ ہیش ٹیگ چلا جو دیکھتے ہی دیکھتے ٹاپ ٹرینڈ بن گیا۔

عمران خان کے ساتھ کھیلنے والے کھلاڑیوں اور معروف اداکاروں نے قومی اسمبلی سے ملنے والی کامیابی پر وزیراعظم کو مبارک باد کی۔

معروف پاکستانی اداکار ہمایوں سعید نے عمران خان کو مبارک باد دیتے ہوئے لکھا کہ ’میں آپ کے ساتھ بالکل اُسی طرح کھڑا ہوا ہوں جیسے آپ پاکستان کے ساتھ کھڑے ہیں، میرا ووٹ کا پارلیمنٹ میں شمار تو نہیں مگر میری دعائیں آپ کے ساتھ ہیں کیونکہ آپ کی کامیابی پاکستان کی کامیابی ہے‘۔

اداکار و گلوکار فرحان سعید نے لکھا کہ ’یہ کوئی پہلی اور آخری بار نہیں، یہ بہت مشکل راستہ اور مشکل کام ہے، مگر یہاں یہ کام کوئی اور نہیں بلکہ آپ (عمران خان) بطور وزیراعظم کررہے ہیں، ہمیں معلوم ہے کہ آپ یہ سب ہماری آئندہ نسلوں کے لیے کررہے ہیں تاکہ انہیں بہتر اور اچھا پاکستان مل سکے‘۔

علاوہ ازیں نامور پاکستانی کرکٹر وقار یونس، محمد حفیظ، رومان رئیس اور پاکستانی ایتھلیٹ انور علی نے بھی وزیراعظم کو تاریخی کامیابی ملنے پر مبارک باد پیش کی۔

مزید تازہ ترین خبریں مشہور خبریں

- الإعلانات -

- الإعلانات -