- الإعلانات -

نواز اقتدار کا سورج غروب ہونے والا ہے: طاہر القادری

راولپنڈی:  عوامی تحریک کے سربراہ علامہ طاہر القادری نے حکومت کے جانے کی پیشگوئی کر دی، کہتے ہیں اللہ جانے حکمرانوں کو بوریا بستر سمیٹنے کا بھی موقع ملے گا یا نہیں۔ شیخ رشید نے حکومت کے ساتھ ساتھ مولانا فصل الرحمان اور اسفند یار ولی پر بھی یلغار کر دی۔

راولپنڈی: طاہر القادری نے لال حویلی میں دھواں دھار خطاب کیا۔ اپنے خطاب میں انہوں نے دعویٰ کیا کہ حکمرانوں کے اقتدار کا سورج جلد غروب ہو جائے گا۔ انہوں نے شہدائے ماڈل ٹاؤن کے خون کا حساب لینے کا اعلان بھی کیا۔اس موقع پر شیخ رشید نے بھی شعلہ بیانی کے جوہر دکھائے اور فضل الرحمان اور اسفند یار ولی پر خوب چڑھائی کی۔ شیخ رشید نے حکومت کے خلاف باہر نہ نکلنے والوں کو حکمرانوں کی کرپشن میں حصہ دار قرار دیدیا۔علامہ طاہر القادری نے مجلس وحدت المسلمین کے احتجاجی کیمپ کا بھی دورہ کیا۔ عوامی تحریک کے سربراہ کا کہنا تھا کہ آئندہ کے لائحہ عمل کا اعلان اکتیس جولائی کو لاہور میں قومی مشاورت کانفرنس میں کیا جائے گا۔