- الإعلانات -

وزیراعظم عمران خان اور افغان صدر کی تاشقند کانفرنس کے دوران ملاقات

ازبکستان کے دارالحکومت تاشقند میں جاری کانفرنس میں وزیراعظم عمران خان اور افغان صدر اشرف غنی کی ملاقات ہوئی۔

وزیراعظم عمران خان اور افغان صدر اشرف غنی اکٹھے ہال میں داخل ہوئے جہاں دونوں رہنماؤں کی سائیڈ لائن پر ملاقات ہوئی۔ وزیراعظم اور افغان صدر کے درمیان ملاقات میں پاک افغان تعلقات اور خطے کی صورتحال پر گفتگو کی گئی جب کہ اس دوران افغانستان کی موجودہ صورتحال پر بھی غورکیا گیا۔

تاشقند میں جاری کانفرنس میں عمران خان، اشرف غنی اور ازبکستان کے صدر شریک ہیں جب کہ 24 ممالک کے وزرائے خارجہ کانفرنس میں شرکت کر رہے ہیں، کانفرنس کا مقصد خطے کے ممالک میں رابطے بڑھانا اور چیلنجوں کا مقابلہ کرنا ہے۔