- الإعلانات -

ہنزا میں سرمائی کھیلوں کا میلہ سج گیا 446 کھلاڑی کھیلوں میں حصہ لیں گے

ہنزہ میں ونٹر سپورٹس فیسٹیول شروع ہو گیا، گلگت بلتستان اور چترال سے مجموعی طور پر 13 ٹیمو ں کے 446 کھلاڑی مختلف کھیلوں میں حصہ لیں گے۔

وادی ہنزہ کے تاریخی گاؤں شاہی قعلے کے دامن میں مختلف سرمائی کھیلوں کا میلہ سج گیا ہے جس میں آئس ہاکی، کلائمبنگ، سکیٹنگ اور رسہ کشی کے مقابلے ہوں گے، سپورٹس فیسٹیول میں گلگت بلتستان اور چترال سے 13 ٹیمیں شرکت کر رہی ہیں۔

ایونٹ کی افتتاحی تقریب میں مرد، خواتین اور نوجوانوں کی بڑی تعداد نے شرکت کی، تقریب کے اختتام پر شاندار آتش بازی کا بھی مظاہرہ کیا گیا۔