- الإعلانات -

مسلم لیگ (ن) نے جلد پارٹی انتخابات کرانے کا فیصلہ,انتخابی نشان الاٹ کرنے سےانکار

الیکشن کمیشن نے حکمران جماعت مسلم لیگ ن کو پارٹی انتخابات کرانے کی ہدایت کی ہےاور کہا ہےکہ انتخابات کی رپورٹ جمع کرانے تک انتخابی نشان الاٹ نہیں کیا جائےگا۔

الیکشن کمیشن کی جانب سے انتخابی نشان الاٹ نہ کرنے پرمسلم لیگ (ن) نے جلد پارٹی انتخابات کرانے کا فیصلہ کر لیااور اس سلسلے میں پارٹی کی مرکزی کونسل کا اجلاس بھی 17 اکتوبر کو طلب کر لیا گیا ہے۔

ذرائع کا کہنا ہے کہ اجلاس میں پارٹی عہدیداروں کا انتخاب کیاجائے گا اور میاں محمد نواز شریف کو دوبارہ پارٹی صدر بھی منتخب کر لیا جائے گا۔

واضح رہے کہ رواں سال اگست میں الیکشن کمیشن آف پاکستان نے پاکستان مسلم لیگ نواز کے رہنماحمزہ شہباز شریف کو قومی اسمبلی کے حلقہ این اے -63 جہلم کے ضمنی انتخاب کے لیے مہم چلانے پر شوکاز نوٹس جاری کیا تھا