- الإعلانات -

کوئٹہ :سول اسپتال میں سہولیات کا فقدان پر جسٹس قاضی فائزبرہم

سانحہ سول ہسپتال کمیشن کے سربراہ سپریم کورٹ کے جسٹس قاضی فا ئز عیسی کا سول ہسپتال کا دورہ سہولیات کے فقدان اور ایمبولینسز کی کمی اور سیکورٹی کی عدم دستیابی پر برہمی کا اظہار کیا۔

جسٹس قاضی فائز عیسی اپنےعملہ کے ہمراہ اچا نک سو ل ہسپتال کے دورہ پر پہنچے تو وہاں موجود عملہ کی دوڑیں لگی گئیں،انہوں نے ایمرجنسی وارڈ،سرجیکل، وارڈز، آپریشن تھیٹرز ،ٹرا ما سینٹر کا دورہ کیا۔

انہوں نے سول ہسپتال انتظامیہ کی جانب سے گزشتہ روزکمیشن میں دیئے گئے12 ایمبولینسز کی ہر وقت موجودگی سے متعلق بیان کی درستگی کیلئے جب ایمبولینسز کا معائنہ کیا تو متعدد ا یمبو لینسز کم پائی گئی، جس پر انہوں نے عملہ کی سرزنش کی ۔

کمیشن کے سر برا ہ نے جب دورہ کیا تو آپریشن تھیٹرز مین تعینات عملہ نے انھیں بتا یا کہ ان کے پاس سامان کی کمی ہے اور ایک اندازے کے مطابق 35سال قبل جو سامان خریدا گیا تھا اسی سے ابھی تک وہ کام چلا رہے ہیں متعدد بار تحریر کیا گیا ہت یکن کوئی شنوائی نہیں ہوئی ہے۔