- الإعلانات -

ٹوٹکوں کی ملکہ زبیدہ آپا ڈینگی کا شکا ر ہوگئی

کراچی: گھریلو ٹوٹکوں سے شہرت پانے والی زبیدہ آپاکو ڈینگی ہو گیاہے ۔خاندانی ذرائع کا کہنا ہے کہ زبیدہ آپا خیریت سے ہیں اور انہیں چند روز ہسپتال میں گزارنے کے بعدگھرمنتقل کردیا گیا ہے جہاں ان کی حالت بتدریج سنبھل رہی ہے۔ڈینگی کے باعث ان کے کئی ٹی وی پروگراموں کی ریکارڈنگ تعطل کا شکار ہوگئی ہے۔ واضح رہے کہ 70 سالہ زبیدہ طارق عرف زبیدہ آپا معروف ادیب انور مقصود کی بہن ہیں اور انتہائی آسان گھریلوٹوٹکوں اور کھانے پکانے میں مہارت رکھنے پر خواتین میں کافی پسند کی جاتی ہیں ۔ زبیدہ آپا بیک وقت کئی ٹی وی چینلز پر کھانے پکانے اور ٹوٹکوں کے پروگرام کرتی ہیں اس کے علاوہ انہوں نے کھانے پکانے پر کئی کتابیں بھی لکھی ہیں۔ زبیدہ آپا خود ڈینگی کا شکار ہوں گئی ہیں اور یہاں اگریہ کہا جائے کہ زبیدہ آپا کا مچھر سے بچاو کا نسخہ ناکام ہو گیاہے تو یہ بے جا نہ ہو گا۔