- الإعلانات -

ملک میں اتنے گھپلےہیں،جتنا کہا جائے کم ہے،وزیراعظم

ایک وقت آئے گا یہ چیزیں اپنی منطقی انجام تک پہنچیں گی،ہم ترقیاتی کاموں سےتوجہ ہٹانا نہیں چاہتے۔

وزیراعظم نوازشریف نے پشاور موڑ سے نیواسلام آبادانٹرنیشنل ایئرپورٹ تک میٹروبس لنک منصوبے کا سنگ بنیاد رکھ دیا۔

اس موقع پر وزیراعظم کو منصوبے سے متعلق بریفنگ بھی دی گئی۔

پچیس اعشاریہ 6کلومیٹرطویل لنک روڈنیشنل ہائی وےاتھارٹی نےتعمیرکیاہے ۔میٹروبس لنک نیواسلام آباد ایئرپورٹ سےپشاورموڑتک ہوگا ۔منصوبے میں 9 بس اسٹیشن،12 پل اور11 انڈرپاس شامل ہیں ۔

اسلام آبادایئرپورٹ کے45ہزارمسافروں کی گنجائش والےٹرمینل کا95فیصدکام مکمل کر لیا گیا ہے۔یہاں عالمی معیارکاایئرٹریفک کنٹرول سسٹم نصب کیاگیاہے ۔

اس موقع پر وزیر اعظم کا کہنا ہےکہ اسلام آباد کومیٹروبس منصوبے کے ساتھ لنک کیا جارہا ہے۔ جن کے پاس سواری نہیں ان کے لیے یہ میٹروبس کا منصوبہ بہترین ہے۔ایئرپورٹ کےساتھ میٹروبس کا منصوبہ مکمل ہوجائے گا۔

انہوں نے کہا کہ اس منصوبے میں بھی دوسرے منصوبوں کی طرح معیار پر سمجھوتا نہیں ہوگا۔جس ملک نے ترقی کرنی ہوتی ہے ،وہاں ترقی بھی تیزرفتار ہونی چاہیے۔

وزیر اعظم نے کہا کہ ملک میں جن منصوبوں کو دو سال میں مکمل ہونا تھا اسے 20،20سال لگ گئے۔مسلم لیگ ن کی حکومت نے ایسے بیمار منصوبوں کو اضافی رقم دے کر مکمل کروایا۔لواری ٹنل جیسے منصوبے ہیں جو کئی دہائیوں سے مکمل ہونے کا نام نہیں لے رہے تھے۔

انہوں نے کہا کہ ایک باوقار ملک کے لیے انفرااسٹرکچر،ایئرپورٹس اور ٹرانسپورٹ سسٹم کا بہتر ہونا ضروری ہے۔سڑکیں اچھی ہوں گی تو کسانوں کی پیداوار مارکیٹ میں آسانی سے پہنچیں گی۔