- الإعلانات -

سندھ اسمبلی میں نیب قوانین کی منسوخی کا بل آج پیش کیا جائے گا

اجلاس کی صدارت آغا سجاد درانی کریں گے ، اپوزیشن کی مخالفت کے باعث ایوان میں ہنگامہ آرائی اور گرما گرمی کا امکان

کراچی  سندھ اسمبلی کا اجلاس سپیکر آغا سراج درانی کی زیر صدارت آج سہہ پہر ہوگا جس میں گورنر سندھ کی جانب سے اعتراضات کے بعد واپس ہونے والے نیب قوانین کی منسوخی کا احتساب آرڈی ننس بل اورنیو کیپٹو پاور پلانٹ سبسڈی ترمیمی بل دوبارہ پیش ہوں گے ۔

اپوزیشن کی مخالفت کے باعث ایوان میں گرما گرمی اور ہنگامہ آرائی کا خدشہ بھی ہے ، اجلاس میں گورنر سندھ کی جانب سے اعتراضات کے بعد واپس ہونے والے نیب قوانین کی منسوخی کا احتساب آرڈیننس بل اورنیو کیپٹو پاور پلانٹ سبسڈی ترمیمی بل گورنر کے اعتراضات کے بعد دوبارہ پیش ہوں گے ۔

سندھ کابینہ نے ان بلوں کی دوبارہ منظوری دے دی ہے جبکہ اپوزیشن نے ان بلوں کی دوبارہ مخالفت کی ہے ۔ ان بلوں کی ایوان میں اپوزیشن کی مخالفت کے باعث گرما گرمی اور ہنگامہ آرائی کا امکان ہے ۔ ایوان کثرت رائے سے گورنر کے اعتراضات کو مسترد کر دے گا اور ان بلز کی کثرت رائے سے منظوری دے دیگا ۔ قواعد و ضوابط کے مطابق بلز کی دوبارہ منظوری کے بعد یہ بلز قانون بن جائیں گے ۔