- الإعلانات -

سوئٹزرلینڈ میں پوسٹر اٹھانے والوں کا بلوچستان سے کوئی تعلق نہیں، کمانڈر سدرن کمانڈ

وزیراعلیٰ بلوچستان نواب ثناء اللہ زہری کی جانب سے کمانڈر سدرن کمانڈ لیفٹیننٹ جنرل عامر ریاض کے اعزاز میں ظہرانہ دیا گیا جس سے خطاب کرتے ہوئے لیفٹیننٹ جنرل عامر ریاض کا کہنا تھا کہ بلوچستان کی خدمت کا موقع ملنے پر اللہ تعالیٰ کا شکر گزار ہوں۔

کمانڈر سدرن کمانڈ کا کہنا تھا کہ بلوچستان ایک بڑی معاشی تبدیلی کیلئے ہر لحاظ سے تیار ہے، اگر ہم سب ملکر کام کریں تو پاکستان کو ایک مثالی ریاست بنا سکتے ہیں جبکہ سوئٹزرلینڈ میں آزادی کے پوسٹر اٹھا کر کھڑے ہونے والوں کا بلوچستان سے کوئی تعلق نہیں ہے، دیار غیر میں دوسروں کا ایجنڈ ا چلانے والے غلطی پر ہیں۔