قومی

ممتاز قادری کو پھانسی کے بعد ان سے متعلق حیران کن انکشاف

اسلام آباد: گستاخی رسول پر گورنر پنجاب سلمان تاثیر کو قتل کرنے والے ممتاز قادری کو پھانسی کے بعد ان سے متعلق حیران کن انکشاف ہوا ہے ۔معروف مقامیاخبار نے اپنی ایک رپورٹ میں انکشاف کیا ہے کہ ممتاز قادری کی پیدائش سے پہلے ان کے والد کو بشارت ہوئی تھی ۔اخبار نے ممتاز قادری کے حوالے سے لکھا ان کے گھر میں عبادت کیلئے ایک جگہ مختص ہے ۔ممتاز کی پیدائش سے پہلے نماز تہجد کی ادائیگی کے بعد ان کے ساتھ عجیب واقعہ پیش آیا۔ان کے بقول نماز کے بعد دیکھا تو ایک صاحب نماز ادا کر رہے تھے ۔جاتے ہوئے کہنے لگے اس گھر کے جنوبی کونے میں ایک نیک بیٹا پیدا ہوگا جو اسلام کیلئے عزت پائے گا۔انہوں نے بتایا کہ اس واقعہ کے دو برس بعد ممتاز قادری کی ولادت ہوئی یہ بات بھول گئی لیکن پھر سلمان تاثیر کے قتل کے بعد وہی مناظر یاد آگئے

لاہور میٹرو بس پروجیکٹ،NAB نے تحقیقات کا آغاز کر دیا

لاہور: قومی احتساب بیورو NAB نے لاہور میٹرو بس پروجیکٹ کے حوالے سے تحقیقات کا آغاز کر دیا۔

پاکستان مسلم لیگ (ن) کی پنجاب حکومت نے 2013 کے عام انتخابات سے کچھ ماہ قبل ہی یہ پروجیکٹ مکمل کیا تھا۔

نیب نے پنجاب ماس ٹرانزٹ اتھارٹی، لاہور ڈیولپمنٹ اتھارٹی، ٹریفک انجینیئرنگ اینڈ ٹرانسپورٹ پلاننگ ایجنسی اور پلاننگ اینڈ ڈیولپمنٹ ڈپارٹمنٹ کو خطوط ارسال کیے ہیں جس میں پروجیکٹ سے متعلق دستاویزات اور ریکارڈ طلب کیا گیا ہے۔

لاہور ڈیولپمنٹ اتھارٹی کے چیف انجینیئر اسرار سعید کا کہنا تھا کہ حالیہ دنوں میں نیب نے میٹرو بس پروجیکٹ سے متعلق کسی بھی قسم کی دستاویزات طلب نہیں کیں۔

ان کا کہنا تھا کہ نیب نے گذشتہ انتخابات سے قبل پروجیکٹ مکمل ہونے کے فوری بعد دستاویزات کے حوالے سے رابطہ کیا تھا۔

اسرار سعید نے بتایا کہ 3 سال قبل جب نیب نے رابطہ کیا تھا اُس وقت پروجیکٹ سے متعلق ان کو مختلف قسم کا ریکارڈ فراہم کر دیا گیا تھا۔

واضح رہے کہ میٹرو بس پروجیکٹ پر لاگت کا تخمینہ 30 ارب روپے لگایا گیا تھا جبکہ مختلف سیاسی جماعتوں کی جانب سے اس پر الزامات عائد کیے گئے۔

یاد رہے کہ پنجاب میں نیب کی جانب سے احتسابی عمل شرع کرنے پر ایک حالیہ بیان میں وزیراعظم نواز شریف نے بیورو کو خبردار کیا تھا کہ وہ محتاط رہتے ہوئے کام کرے بصورت دیگر ان کے ہاتھ باندھے جاسکتے ہیں۔

سندھ محکمہ تعلیم، 13 ہزارغیرقانونی بھرتیوں کا معاملہ

کراچی: سندھ میں محکمہ تعلیم نے13 ہزارغیرقانونی بھرتیوں کےمعاملے پر نیب نے سندھ ہائیکورٹ میں رپورٹ جمع کروادی۔

عدالت میں نیب نے بتایا کہ ای ڈی اوممتازعلی نے ضمانت حاصل کررکھی ہے۔ نیب کی رپورٹ میں بتایا گیا کہ پیرمظہرالحق کےایماپر13 ہزارغیرقانونی بھرتیاں کی گئی۔

رپورٹ میں انکشاف کیا گیا کہ ای ڈی اوممتازعلی بھی براہ راست بھرتیوں میں ملوث ہیں۔ نیب نے عدالت کو درخواست کی کہ ملزم ممتازعلی کی ضمانت منسوخ کی جائے۔ عدالت کا کہنا تھا کہ ملزمان کے خلاف شواہد فراہم کیےجائیں۔ سندھ ہائی کورٹ میں کیس کی سماعت 16 مارچ تک ملتوی کردی گئی۔

خواتین کو بااختیار بنانے کے لیے کمیٹی تشکیل

سلام آباد:وزیراعظم نواز شریف نے خواتین کو بااختیار بنانے کے لیے کمیٹی تشکیل دے دی۔

یہ کمیٹی خواتین کو بااختیار بنانے کی قومی پالیسی دو ہزار سولہ کی تشکیل کے لیے سفارشات دے گی۔ کمیٹی میں سائرہ افضل تارڑ، انوشہ رحمان، خواجہ ظہیر احمد کو ممبران کے طور پرشامل کیاگیاہے۔

کمیٹی پانچ مارچ تک سفارشات وزیراعظم کوپیش کرےگی۔

عزیربلوچ کے سابق دستِ راست محمد وسیم احمد گرفتار

کراچی: شہرقائد کے علاقے فشریزمیں قانون نافذ کرنے والے اداروں کی کاروائی کے دوران عزیربلوچ کے سابق دستِ راست محمد وسیم احمد کوگرفتارکرکے تفتیش کے لئے نامعلوم مقام پرمنتقل کردیا۔

ذرائع کا دعویٰ ہے کہ قانون نافذ کرنے والے اداروں نے فشریزمیں کاروائی کرتے ہوئے محمد وسیم احمد کو حراست میں لے لیا ہے۔

محمد وسیم احمد پرالزام ہے کہ وہ فشریزمیں کرپشن کی رقم کا حصہ گینگ وارملزمان کو پہنچایا کرتے تھے۔

واضح رہے کہ محمد وسیم احمد آفیسرزایسو سی ایشن یونین کے سابق عہدیدارتھےاورپہلے یورپی ممالک کے معاملات کو دیکھا کرتے تھے۔

محمد وسیم احمدکو گینگ وارکے اہم کردارعزیر بلوچ کا سابق دست راست سمجھا جاتا ہے۔ محمد وسیم احمد کو حراست میں لے کرتفتیش کے لئے نامعلوم

پنجاب کا رخ کرنے پرنیب کو دھمکیاں دی جاتی ہیں”یوسف رضا گیلانی”

ملتان : سابق وزیراعظم یوسف رضا گیلانی نے کہا ہے کہ آصف زرداری کا بیان یوٹرن نہیں رائٹ ٹرن ہے ،پنجاب کا رخ کرنے پرنیب کو دھمکیاں دی جاتی ہیں۔

یہ بات انہوں نے ملتان میں اپنی رہائشگاہ پر پریس کانفرنس کے دوران صحافیوں سے گفتگو کرتے ہوئے کہی۔

ایک سوال کے جواب میں یوسف رضا گیلانی نے سابق صدرآصف زرداری کے آرمی چیف سے متعلق بیان پر کہا کہ سابق صدرکا بیان تو رائٹ ٹرن ہے یو ٹرن نہیں۔

سابق وزیر اعظم یوسف رضا گیلانی نے نیب کو ملنے والی دھمکیوں کے حوالے سے بھی کچھ باتیں کیں، تحفظ حقوق نسواں بل کے حوالے سے ان کا کہنا تھا کہ جب اسمبلی میں بل پر بات ہوگی تو پیپلز پارٹی بھی اپنا مؤقف دے گی۔

سابق وزیراعظم کا کہنا تھا کہ نیب جب دوسری طرف توجہ کرتی ہے تو دھمکیاں آتی ہیں لیکن جب ہمارے اوپر کیسز بنائے جاتے ہیں تو کوئی دھمکی نہیں آتی ہم عدلیہ کا احترام کرتے ہیں۔

انہوں نے کہا کہ خواتین بل پر جب اسمبلی میں بات ہوگی تو ہماری جماعت بھی اپنا مؤقف دے گی۔ ایک سوال کے جواب میں انہوں نے کہا کہ بلاول بھٹو زرداری ر حیم یار خان سے جنوبی پنجاب کے دورے کا آغاز کریں گے۔

این اے 153 کے ضمنی الیکشن کے حوالے سے ان کا کہنا تھا کہ پارٹی نے متوسط طبقے کے کارکن کو ٹکٹ دیا ہے۔

سابق گورنر پنجاب مخدوم احمد محمود نے کہا کہ نوازشریف اور شہبازشریف دونوں ہی اسمبلی نہیں جاتے۔ اگر حکمرانوں کو غریبوں کا احساس ہوتا تو اورنج ٹرین جیسے منصوبوں پر اربوں روپے خرچ نہ کرتے۔

وہاڑی،مسافر بس اورآئل ٹینکر میں تصادم،7 افراد جاں بحق 27 زخمی

وہاڑی: ٹبہ سلطان پور میں مسافر بس اور آئل ٹینکر کے درمیان میں تصادم کے نتیجے میں 7 افراد جاں بحق جب کہ 27 زخمی ہوگئے۔
وہاڑی روڈ پر ٹبہ سلطان پور کے قریب مسافر بس اور مخالف سمت سے آنے والے آئل ٹینکر کے درمیان تصادم ہوگیا، حادثے میں 7 افراد موقع پر ہی جاں بحق جب کہ 27 زخمی ہوگئے۔
حادثے کی اطلاع پر پولیس اورامدادی ٹیمیں جائے وقوعہ پہنچیں اورزخمیوں کو وہاڑی ، میلسی اور ملتان کے اسپتالوں میں منتقل کردیا جہاں انہیں طبی امداد فراہم کی جارہی ہے۔
واضح رہے کہ گزشتہ ایک ماہ کے دوران پنجاب میں مسافر بسوں اور ایندھن پہنچانے والی گاڑیوں کے درمیان تصادم میں اب تک 40 سے زائد افراد جاں بحق ہوچکے ہیں۔

تمام بینک اکاﺅنٹ ہولڈرز کی بائیومیٹرک تصدیق

اسلام آباد :  وفاقی حکومت نے دہشتگردو ں و دہشتگردی کی کارروائیوں کیلئے فنانسنگ کی روک تھام کیلئے تمام بینک اکاﺅنٹ ہولڈرز کی بائیومیٹرک تصدیق جبکہ دس ہزار ڈالر سے کم لے کر تسلسل کے ساتھ بیرون ملک سفر کرنیوالے لوگوں کی چھان بین کرنیکا فیصلہ کیاہے۔یہ اہم فیصلے وزارت خزانہ کی ذیلی کمیٹی برائے انسداد ٹیررارزم فنانسنگ کے حالیہ اجلاس میں کئے گئے ہیں۔ اجلاس میں یہ بھی فیصلہ کیا گیا کہ وفاقی دارالحکومت سمیت ہر صوبے میں آئی جی آفس میں خصوصی سیل قائم کیا جائیگا اس کے علاوہ وزارت داخلہ، نیشنل کاﺅنٹر ٹیررازم اتھارٹی اور امن و امان قائم کرنے والے ادارے ملک بھر میں کالعدم تنظیموں کا نام بدل کر یاکسی دوسرے نام سے کام کرنیکی اجازت نہیں دی جائیگی اور اگر کوئی کالعدم تنظیم یا ادارہ نام بد ل کر کام شروع کرے تو فوراً اسے بھی کالعدم قرار دیدیا اسی طرح کالعدم تنظیموں کے فنڈز اور اثاثہ جات کا سُراغ لگا کر انہیں بھی منجمند کیا جائیگا یہ بھی فیصلہ ہوا ہے کہ وفاق اور صوبوں کے درمیان رابطے کو موثر بنانے اور وفاقی صوبائی امن و امان قائم رکھنے والے اداروں کے درمیان موثر رابطہ سازی کے حوالے سے نیکٹا موثر نظام وضع کریگا ۔دستاویز میں دی جانیوالی تفصیلات میں بتایا گیا کہ اجلاس میں یہ بھی فیصلہ کیا گیا ہے کہ ملک میں وفاقی و صوبائی سطح سمیت کسی بھی سطح پر رجسٹرڈ ملکی و غیر این جی اوز ، خیراتی اداروں کو دوبارہ سے رجسٹریشن کروانا ہو گی دستاویز میں بتایا گیا کہ ایس ای سی پی نے آئی این جی اوز اور این پی اوز کے لائنسز کی ازسر نو تصدیق کا عمل شروع کر دیا گیا ہے ۔یہ بھی فیصلہ کیا گیا ہے کہ تمام بینک اکاﺅنٹ ہولڈرز کی نادرا کے ڈیٹا بیس کیساتھ بائیومیٹرک تصدیق کروانے کا فیصلہ کیا گیا ہے ۔اس کے علاوہ یہ بھی فیصلہ کیا گیا کہ آئندہ بینک کے صارفین کے بارے میں جاننے کا فارم (کے وائی سی) پُر کرنیکا اختیار بھی صرف بینک کے ایک خاص رینک کے افسران پر مشتمل ملازمین تک محدود کی اجائیگا اور ہر ملازم یہ فارم پرنہیں کر سکے گا ۔اجلاس میں فیصلہ کیا گیا ہے کہ دس ہزار ڈالر یا اس سے کم مالیت کے یوس ایس ڈالر بیرون ملک لے جانے والے لوگوں بارے بھی چھان بین کی جائیگی اور طے پایا کہ ایف بی آر ان تمام لوگوں کا مکمل ڈیٹا تیار کر کے ایف آئی اے او اسٹیٹ بینک آف پاکستان کو فراہم کریگا جو دس ہزار ڈالر تک کی رقم اپنے ساتھ لیکر تسلسل کے ساتھ بیرون ملک آتے اور جاتے ہیں۔

Google Analytics Alternative