- الإعلانات -

الف،ل،ل،ہ،لفظ”اللہ“ کے ذکر کے حیرت انگیز اثرات

ہالینڈ کے ماہر نفسیات نے انکشاف کیا ہے کہ لفظ ”اللہ“ کا ذکر افسردگی اور ذہنی تناﺅ کے شکار مریضوں کے لئے بہترین علاج ہے بلکہ انہیں دیگر نفسیاتی بیماریوں سے بھی محفوظ رکھتاہے ڈچ ماہر نفسیات وینڈرہاون نے اپنی  دریافت میں اعلان کیا ہے کہ قرآن مجید کا مطالعہ اور لفظ”اللہ“ کا بار بار دہرایا جانا مریض یا عام شخص ہر دو پر اثر کرتاہے، ڈچ پروفیسر اپنے مطالعہ اورتحقیق سے گزشتہ تین سال سے مریضوں پر تجربات کررہے ہیں ان میں بیشتر مریض غیر مسلم تھے جو عربی نہیں بول سکتے تھے انہیں لفظ”اللہ“ صاف طورپر بولنے کی تربیت دی گئی، اس کا غیر معمولی نتیجہ برآمد ہوا خاص طورپر ان مریضوں پر جو افسردگی اورتناﺅ کا شکارتھے،سعودی روزنامہ الوطن“ نے لکھاہے کہ مسلمان جو عربی پڑھ سکتے ہیں اور قرآن مجید کا مطالعہ بلاناغہ کرتے ہیں وہ خود کو نفسیاتی بیماریوں سے محفوظ رکھ سکتے ہیں ماہر نفسیات کے مطابق ”اللہ“ کا ہر حرف نفسیاتی امراض کے سدباب میں موثر ہے اپنی تحقیق کی مزید وضاحت کرتے ہوئے وینڈرہاون نے بتایا کہ لفظ ”اللہ“ کا پہلا حرف ”الف“ نظام تنفس سے خارج ہوتاہے اور سانس کو کنٹرول میں رکھتاہے،حرف ”ل“ کی ادائیگی کیلئے زبان کو معمولی سا تالو سے لگاکر تھوڑا توقف کرنے کے بعد اس عمل کو صحیح ا دائیگی سے دہرانے اور سانس لینے کا عمل توقف سے جاری رکھنے سے تناﺅ کو عافیت حاصل ہوگی انہوں نے مزید کہا کہ لفظ”اللہ“ کا آخری حرف”ہ“ کی ادائیگی سے پھپھڑے اوردل کا رابطہ ہوتاہے اور بدلے میں یہ رابطہ دل کی دھڑکن کو کنٹرول کرتاہے