- الإعلانات -

شیاؤمی کا یہ نیا ٹی وی دنگ کردینے والا ہے

ویسے تو شیاؤمی کو اسمارٹ فونز کے حوالے سے زیادہ شہرت حاصل ہے مگر یہ چینی کمپنی ٹیلیویژن کی مارکیٹ میں بھی تیزی سے ابھر کر سامنے آرہی ہے۔شیاؤمی کی جانب سے 10 ویں سالگرہ کے موقع پر ایک نیا فلیگ شپ فون می 10 الٹرا متعارف کرایا گیا تھا۔مگر اس کے ساتھ ساتھ چینی کمپنی نے ایک حیران کن بالکل شفاف اسکرین والا ٹی وی بھی پیش کیا جس کے آر پار دیکھنا ممکن ہے۔

می ٹی وی لکس او ایل ای ڈی ٹرانسپیرنٹ ایڈیشن نامی یہ ٹی وی جب بند کیا جاتا ہے تو اس کا ڈسپلے کسی شیشے کے ٹکڑے کی طرح نظر آنے لگتا ہے۔جب اسے آن کیا جاتا ہے تو اس میں نظر آنے والی تصاویر ہوا میں تیرتی محسوس ہوتی ہیں یا کم از کم کمپنی کا تو یہی دعویٰ ہے۔اس ٹیلیویژن کا 55 انچ کے ٹرانسپیرنٹ ڈسپلے ممکنہ طور پر ایل جی کے 55 ان ٹرانسپیرنٹ 55 ای ڈبلیو 5 ٹی ایف اے ڈسپلے پر مبنی ہے۔

کمپنی کا دعویٰ ہے کہ یہ دنیا کا پہلا بڑے پیمانے پر تیار ہونے والا ٹرانسپیرنٹ ٹی وی ہے جس کو دیکھنے کا تجربہ بالکل ایسا ہے جو پہلے صرف سائنس فکشن فلموں میں دکھایا گیا۔روایتی ٹی وی کے بیک پینل کے برعکس شیاؤمی نے اس میں تمام پراسیسنگ یونتس کو بیس اسٹینڈ کا حصہ بنادیا۔یہ اے آئی ماسٹر اسمارٹ انجن کے ساتھ ساتھ میڈیا ٹیک 9650 کاسٹیوم میڈ ٹی وی چپ سے لیس ہے۔

اس کے علاوہ آڈیو پرفارمنس کے لیے ڈولبی ایٹموس سپورٹ اورر اے آئی ماسٹر سپورٹ دی گئی ہے۔اس میں ایم آئی یو آئی یوزر انٹرفیس دیا گیا ہے جبکہ آل ویز آن ڈسپلے کو بھی سپورٹ کرتا ہے۔یہ 16 اگست سے فی الحال چین میں فروخت کے لیے پیش کیا جارہا ہے جس کی قیمت 50 ہزار چینی یوآن (12 لاکھ 13 ہزار پاکستانی روپے سے زائد) رکھی گئی ہے۔دیگر ممالک میں اس کی دستیابی کے حوالے سے کمپنی کی جانب سے کوئی اعلان نہیں کیا گیا۔