- الإعلانات -

اس براوُزر کا تازہ ورژن انسٹال کریں اور ٪50 تک بیٹری بچائیں

اگر آپ اپنے لیپ ٹاپ کی بیٹری کو 50 فیصد زیادہ چلانا چاہتے ہیں تو اوپرا براؤزر کا تازہ ورژن انسٹال کر لیں اور اس کے پاور سیونگ موڈ سے برازنگ کے ذریعے بیٹری پر پڑنے والے غیر ضروری بوجھ سے چھٹکارہ حاصل کریں۔کمپیوٹر پر سب سے زیادہ استعمال ہونے والا پروگرام برازر ہے۔ اس وقت سب سے مقبول برازرز میں گوگل کروم اور موزیلا فائر فوکس شامل ہیں جب کہ ان کے بعد انٹرنیٹ ایکسپلورر اور اوپرا کا نام آتا ہے۔ ان تمام برازرز میں ایک بات مشترک ہے کہ یہ میموری کا بے دریغ استعمال کرتے ہیں اور اگر آپ لیپ ٹاپ استعمال کرتے ہیں تو جانتے ہوں گے کہ برازر میں کھلے درجنوں ٹیبز بیٹری پر بھی اثر انداز ہوتے ہیں۔ اس طرح برازر میں کھلے ضروری و غیر ضروری ٹیبز بیٹری کے جلد خاتمے کا باعث بنتے ہیں۔ناروے سے تعلق رکھنے والی کمپنی اوپرا نے اپنے برازر کے 39 ویں ورژن میں ایک پاور سیونگ موڈ پیش کیا ہے جسے خاص طور پر لیپ ٹاپ صارفین کے لیے پیش کیا گیا ہے۔ یہ فیچر اس بات کا خیال رکھتا ہے کہ لیپ ٹاپ زیادہ سے زیادہ دیر تک بیٹری پر چلے۔ اوپرا میں جب کوئی ویب ایڈریس لکھیں تو یہ اس کے آگے بیٹری کا آئی کن دکھا کر یاد دلاتا ہے کہ اس موڈ کو آن کرکے بیٹری کی بچت کی جا سکتی ہے۔ اس کے علاوہ برازر خود بھی خیال رکھتا ہے اور جیسے ہی بیٹری کم ہو یہ بیک گرانڈ میں کھلے ٹیبز کی سرگرمیوں کو روک دیتا ہے۔ یہ بیٹری زیادہ استعمال کرنے والی اینی میشنز وغیرہ کو بھی روک دیتا ہے۔ اس طرح لیپ ٹاپ کی بیٹری 50 فیصد زیادہ کارکردگی دکھا سکتی ہے۔اپنی بات کو ثابت کرنے کے لیے اوپرا نے باقاعدہ اس تجربے کو آزما کر دکھایا کہ جو لیپ ٹاپ فائر فوکس اور کروم استعمال کرتے ہوئے بیٹری پر 2 گھنٹے چلا وہی اوپرا استعمال کرتے ہوئے لگ بھگ 3 گھنٹے کام کرتا رہا۔