- الإعلانات -

ٹویٹر نے نئی تبدیلی متعارف کرانے کا علان کر دیا

سماجی رابطے کی ویب سائٹ ٹویٹر ایک ٹویٹ میں 140 کریکٹرز کی حد میں نرمی لا رہی ہے اور اب ٹویٹ میں فوٹو اور کہانیوں کے لنکس کو شامل نہیں کرے گی۔بلومبرگ نے ٹویٹر کے ذرائع کے حوالے سے کہا ہے کہ اس تبدیلی کا اطلاق دو ہفتوں میں ہو جائے گا۔تاہم بلومبرگ کی اس رپورٹ پر ٹویٹر نے تبصرہ نہیں کیا ہے۔یاد رہے کہ جنوری میں ٹویٹر کے بانی جیک ڈورسی نے کہا تھا کہ اس بارے میں سوچا جا رہا ہے کہ صارفین لمبی ٹویٹ کر سکیں۔اس وقت کسی کہانی کا لنک 140 میں سے 23 کریکٹرز لے لیتا ہے جس کے باعث صارفین کو ٹویٹ لکھنے میں مزید کم کریکٹرز دستیاب ہوتے ہیں۔جیک ڈورسی نے 140 کریکٹرز کی حد کو ایک خوبصورت چیز قرار دیا تھا اور کہا تھا کہ اس سے انسان کی صلاحیت اجاگر ہوتی ہے۔گذشتہ جون میں ٹویٹر نے اعلان کیا تھا کہ ایک صارف دوسرے صارف کو دس ہزار کریکٹر تک کا پیغام بھیج سکے گا۔رواس ںال جنوری میں چین کی سوشل میڈیا سائٹ سینا ویبو نے 140 کریکٹرز کی حد ختم کر کے صارفین کو لمبے پیغامات لکھنے کی سہولت میسر کر دی تھی۔ٹویٹر کی سہ ماہی آمدن میں کمی اور صارفین کی تعداد نہ بڑھنے پر بازار حصص میں شیئر مندی کا شکار رہا۔2015 کے آخری تین ماہ کے دوران ٹویٹر کا خسارہ نو کڑوڑ ڈالر رہا جبکہ گذشتہ سال کے اسی عرصے کے دوران خسارہ ساڑھے بارہ کروڑ ڈالر سے زائد تھا۔ٹویٹر کا کہنا تھا کہ گذشتہ تین ماہ میں صارفین کی تعداد میں اضافہ نہیں ہوا اور ماہانہ فعال صارفین کی تعداد 32 کروڑ ہے جو گذشتہ سہ ماہی میں بھی اتنی ہی تھی۔یہ پہلی سہ ماہی ہے کہ ٹویٹر کے صارفین کی تعداد میں اضافہ نہیں ہوا۔