- الإعلانات -

ٹوئٹر کے اہم عہدیدار کا جلد مستعفی ہونے کا امکان

واشنگٹن : مائیکرو بلاگنگ ویب سائٹ ٹوئٹر کے چیف ایگزیکٹو آفیسر جیک ڈورسی کے مستعفی ہونے کی افواہیں خبروں کی زینت بن گیں۔ معروف مائیکرو بلاگنگ ویب سائٹ ٹوئٹر کے وی ای او جیک ڈوری بہت جلد اپنے عہدے سے استعفیٰ دے دیں گے۔

سی این بی سی کی رپورٹ کے مطابق جیک ڈورسی کے مستعفی ہونے کے امکان کے بعد ٹوئٹر کے شیئرز میں 11 فیصد کا اضافہ ہوا ہے۔ رپورٹ میں بتایا گیا ہے کہ جیک ڈورسی ٹوئٹر کے ساتھ ساتھ اسکوائر نامی کمپنی کے بھی چیف ایگزیکٹو آفیسر تھے جو ان کی اپنی کمپنی ہے۔

ٹوئٹر کی انتظامیہ نے 2020 میں جیک ڈورسی سے ٹوئٹر کے سی ای او کی حیثیت سے استعفیٰ دینے کا کہا تھا کیوں کہ وہ اپنی انوسٹمنٹ کمپنی بھی ساتھ چلا رہے تھے تاہم یہ مطالبہ اسکوائر کے ٹوئٹر کی انتظامیہ کیساتھ معاہدے سے قبل کیا گیا تھا۔

جیک ڈورسی سے استعفیٰ مانگنے کی خبر پر تاحال ٹوئٹر نے تصدیق یا تردید نہیں کی ہے۔