- الإعلانات -

آپ کا وائی فائی آپ کو ایک خطرناک بیماری میں مبتلا کررہے ہے

واشنگٹن(ما نیٹرنگ ڈیسک) وائی فائی سروسز فراہم کرنے والے ماہرین کا کہنا ہے کہ وائی فائی کا استعمال انسان کے لیے جان لیوا بھی ہوسکتا ہے ۔غیر ملکی میڈیا کے مطابق حفظان صحت کے شعبے میں کام کرنے والے ماہرین نے ایک تحقیق میں دعویٰ کیا ہے کہ وائی فائی کی شعاعیں انسانی اور نباتاتی نشو نما پر اثرانداز ہونے کے ساتھ ساتھ کبھی کبھی انسان کے لیے جان لیوا بھی ہوسکتی ہیں، وائرلیس انٹرنیٹ سے براہ راست اٹھنے وال لہریں انسانی دماغ پر اثر انداز ہوتی ہیں جس کے نتیجے میں انسانی دماغ عدم توجہی کا شکار ہونے ساتھ سر میں درد اور کانوں میں بھی تکلیف کا موجب ہوسکتا ہے۔ماہرین نے تجویز دی ہے کہ وائی فائی استعمال کرنے والے صارفین اپنے گھروں میں وائرلیس انٹرنیٹ کے استعمال کا پلان ترتیب دیتے وقت اپنی صحت پر مرتب ہونے والے اس کے منفی اثرات کو ذہن میں رکھیں کہیں ایسا نہ ہو کہ وائی فائی آپ یا آپ کے گھر میں موجود افراد کی زندگی کے لیے خطرہ ثابت ہو۔ کیمبرج یونیورسٹی کی ایک دوسری تحقیق میں یہ بھی کہا گیا ہے کہ وائرلیس انٹرنیٹ حاملہ خواتین کے لیے بھی نقصان دہ ہوسکتا ہے۔ یہی وجہ ہے کہ ماہرین حاملہ خواتین کو وائر لیس انٹرنیٹ کے استعمال سے گریز کا مشورہ دیتے ہیں کیونکہ وائرلیس انٹرنیٹ کی مضر صحت شعاعیں اسقاط حمل کا موجب بن سکتی ہیں۔