- الإعلانات -

فرانس کی بیکری نےانوکھی پیسٹری متعارف کرا دی

پیرس:  کاروبار کو بڑھانے کے لیے نت نئے طریقے اختیار کیے جاتے ہیں اور اس کے لیے مارکیٹنگ کے مختلف طریقے اپنائے جاتے ہیں اسی طرح فرانس کی بیکری نے بھی اپنی اشیا کی فروخت بڑھانے کے لیے پیسٹریوں میں دو ہیرے چھپادیئے جس سے دکان پر لوگوں کا غیر معمولی رش بڑھ گیا۔پیرس میں واقع بیکری کے مالک نے اعلان کیا کہ ان کی دکان پر 800 پیسٹریاں موجود ہیں جن میں سے کسی دو میں ہیرے موجود ہیں۔ بیکری کی جانب سے اس تعارفی سیل کے دوران لوگ دیوانہ وار ان کی پیسٹریوں پر جھپٹ پڑے۔ بیکری کی جانب سے پیسٹریوں میں اعشاریہ 20 قیراط کا ایک سفید اور ایک نیلا ہیرا ڈالا گیا تھا جن میں سے ایک کی قیمت 600 یورو ( پاکستانی 67 ہزار روپے) ہے اور اسے جیتنے والے کو بعد میں مقامی جوہری کا سرٹیفیکٹ پیش کیا گیا جو ظاہر کرتا ہے کہ یہ ہیرے اصلی ہیں۔ہیرے کو غلطی سے نگلنے سے بچانے کے لیے بیکری مالکان نے ان کے نمائندے بڑے اور جعلی ہیرے پیسٹری میں چھپائے تھے جنہیں دکھا کر وہ بیکری سے اصلی ہیرا لے سکتے ہیں۔اس سے قبل اسپین کی ایک بیکری نے اپنی ڈبل روٹی پرسونے کے ایسے ذرات چھڑکے تھے جنہیں کھایا جاسکتا تھا لیکن اس کی قیمت پاکستانی 15 ہزار روپے تھی۔ اس کے علاوہ ایک امریکی ریستوران میں 13 کلو رول ایک ہی باری میں کھانے والے کو زندگی بھر کے لیے ہوٹل سے مفت کھانا فراہم کرنے کی پیشکش بھی کی تھی جسے اب تک کوئی بھی نہیں جیت سکا