- الإعلانات -

واٹس ایپ نے Android صارفین کے لیے نئےEmojis کو متعارف کرا دیا

اینڈرائیڈ اسمارٹ فونز پر واٹس ایپ استعمال کرنے والے صارفین آخر کار آئی فونز کی طرح وہ نئی اپ ڈیٹ حاصل کرنے میں کامیاب ہوگئے جو ان کے چہرے پر مسکراہٹ بکھیر دے گی۔

جی ہاں واٹس ایپ نے اینڈرائیڈ صارفین کے لیے نئے ایموجیز کو متعارف کرا دیا ہے۔واٹس ایپ کے صارفین کو یہ اپ ڈیٹ ملنا شروع ہوگئی ہے اور وہ اپنے جذبات کا اظہار زیادہ قسم کے ایموجیز کے ذریعے کرسکیں گے۔اینڈرائیڈ پولیس کے مطابق ان ایموجیز کو 2 ماہ پہلے بیٹا ورژن میں ریلیز کیا گیا تھا۔تاہم اب یہ دنیا بھر کے صارفین کے لیے دستیاب ہے اور ان میں روبوٹ، پاپ کارن اور اوپر نیچے چہروں کے ایموجیز وغیرہ بھی شامل ہیں۔اس سے پہلے یہ اپ ڈیٹ 4 ماہ قبل آئی او ایس ڈیوائسز کے لیے متعارف کرائی گئی تھی تاہم اینڈرائیڈ صارفین کا نمبر تاخیر سے آیا۔گزشتہ دنوں واٹس ایپ کے ماہانہ صارفین کی تعداد ایک ارب سے تجاوز کرگئی تھی اور یہ اس وقت دنیا کا مقبول ترین میسنجر ہے جس کے بعد فیس بک میسنجر کا نمبر آتا ہے۔