- الإعلانات -

کپتان سرفراز احمد نے شاہد آفرید ی کا بیٹنگ نمبر بھی سوچ لیا ہے۔

نو منتخب ٹی ٹونٹی کپتان سرفراز احمد نے شاہد آفرید ی کا بیٹنگ نمبر بھی سوچ لیا ہے۔ایک انٹر ویو میں سرفراز احمد کا کہنا تھاکہ شاہد آفریدی کو بطور کھلاڑی کھلانے میں کوئی ہرج نہیں ہیں کیوں کہ انکی ملک کے لیے 20سالہ خدمات ہیں ،وہ ہماری کئی فتوحات میں ی اہم کردار ادا کرچکے ہیں اور اب بھی ایسا کرنے کی صلاحیت رکھتے ہیں ،آل راو¿نڈر نمبر 3یا 4پر بیٹنگ کے لیے موزوں ہیں ، انہوں نے ورلڈ ٹی ٹونٹی میں بھی بطور کپتان اوپر کے نمبروں پر بلے بازی کی لیکن یہ فیصلہ بدقسمتی سے درست ثابت نہیں ہوسکا۔سرفراز کا کہنا تھا کہ عمر اکمل مڈل آرڈر کے لیے بہترین چوائس ہیں تاہم اپنے ٹاپ آرڈر میں کھیلنے کے سوال پر نئے نویلے کپتان نے کہا کہ انکی پوری کوشش ہوگی کہ وہ جس بھی نمبر پر کھیلیں وہاں ذاتی کاکردگی دکھانے کے ساتھ ساتھ بطور کپتان دیگر کھلاڑیوں کو ساتھ لیکر چلتے ہوئے ٹیم کو فتح دلائیں