- الإعلانات -

افغانستان کی کرکٹ ٹیم جولائی میں آئرلینڈ کا دورہ کرے گی

کابل ۔ آئرلینڈ اور افغانستان کی کرکٹ ٹیموں کے مابین ون ڈے سیریز کے شیڈول کا اعلان کر دیا گیا ہے، افغان ٹیم جولائی میں آئرش ٹیم کے خلاف پانچ ون ڈے میچوں کی سیریز کھیلے گی۔ دونوں ٹیموں کے مابین پہلا ون ڈے 10 جولائی، دوسرا 12 جولائی، تیسرا 14 جولائی، چوتھا 17 جولائی جبکہ پانچواں اور آخری میچ 19 جولائی کو کھیلا جائے گا۔ تمام میچز سول سروس کرکٹ کلب بیلفاسٹ میں ہوں گے۔ افغانستان نے ورلڈ ٹی 20 میں عالمی چیمپئن ویسٹ انڈیز کو گروپ میچ میں شکست دی جبکہ دیگر ٹیموں کے خلاف بھی اس کی کارکردگی شاندار رہی۔ آئرلینڈ ٹیم کے کوچ جان بریسویل کے مطابق افغانستان کے خلاف سیریز مشکل اور کانٹے دار ہو گی۔