- الإعلانات -

سوری!پاکستان میں ٹیلنٹ نہیں ، شاہد آفریدی کا متنازعہ بیان ، پی سی بی کا نوٹس

لاہور : شاہد آفریدی کا کہنا ہے محمد عامر ایک قابل بولر ہیں ان سے وابستہ تمام امیدیں پوری ہوں گی. پاکستان کے سابق ٹی 20 کپتان شاہد آفریدی کا کہنا ہے کہ پی سی بی میں بہت سی چیزوں میں بہتری کی گنجائش ہے ، انہوں نے محمد عامر کے کم بیک کو بھی خوب سراہا ۔

لالہ نے برطانوی نشریاتی ادارے کو دیے گئے انٹرویو میں بوم بوم باتیں کہہ ڈالیں ۔ آفریدی کا کہنا ہے کہ پی سی بی میں بہت سی چیزوں کو ٹھیک کرنے کی ضرورت ہے ، اگر وہ بورڈ سے متعلق کچھ زیادہ کہیں گے تو نوٹس ملنے کا خطرہ ہے ۔

ٹیم سلیکشن میں میرٹ کی اہمیت کے حوالے سے بات کرتے ہوئے شاہد آفریدی کا کہنا تھا جس طریقے کا ٹیلنٹ اس وقت سامنے آ رہا ہے اور جس کے حوالے سے ہم بہت باتیں کرتے ہیں کہ پاکستان میں بڑا ٹیلنٹ ہے، سوری نو ٹیلنٹ۔ پاکستان میں ابھی وہ ٹیلنٹ نہیں ہے جس لیول کی کرکٹ کی ڈیمانڈ ہے ۔

محمد عامر سے متعلق انہوں نے کہا کہ وہ ایک قابل بولر ہیں ان سے وابستہ تمام امیدیں پوری ہوں گی ۔ ساتھ ہی ان کا یہ بھی کہنا تھا کہ عامر کو برطانوی میڈیا سے محتاط رہنے کی ضرورت ہے کیونکہ انگلش میڈیا ہمیشہ اہم کھلاڑی پر دباؤ ڈلانے کی کوشش کرتا ہے ۔

ریٹائرمنٹ سے متعلق سابق ٹی 20 کپتان کا موقف ہے کہ وہ عزت سے ریٹائر ہونا چاہتے ہیں ۔ وہ مستقبل کیلئے ایک اچھی ٹیم بنانا چاہتے تھے لیکن ایسا نہ ہو سکا ۔

آفریدی نے یہ بھی کہا جدید دور کی کرکٹ کے تقاضوں کی مناسبت سے پاکستان میں ابھی اس لیول کا ٹیلنٹ نہیں ہے