- الإعلانات -

دفاعی چیمپئین سرینا ولیمز ریو اولمپکس سے باہر

ریو ڈی جنیرو: ریو اولمپکس میں عالمی نمبر ایک اور دفاعی چیمپئین امریکہ کی سرینا ولیمز ویمنز سنگلز ٹینس ایونٹ کے تھرڈ راؤنڈ میں شکست کے بعد ایونٹ سے باہر ہوگئیں۔

یوکرین کی ایلینا سیویٹولینا نے امریکی ٹینس اسٹار سرینا ولیمز کو چھ، چار اور چھ، تین سے شکست دی، سرینا میچ میں مکمل آف کلر دکھائی دیں، الینا نے پہلا سیٹ چھ چار سے جیتا، دوسرے سیٹ میں بھی امریکہ ٹینس اسٹار مزاحمت نہ کرسکیں، دفاعی چیمپئین سرینا ولیمز کو تھرڈ راؤنڈ میں یوکرین کے الینا سویٹولینا کے ہاتھوں ناکامی کا سامنا کرنا پڑا اور چھ تین سے ناکامی کے بعد ریو اولمپکس سے باہر ہوگئیں۔

سرینا کی شکست کو ریو اولمپکس کا سب سے بڑا اپ سیٹ قرار دیا جارہا ہے۔